پیپلز پارٹی شعبہ خواتین کراچی ڈویژن کے 29اپریل کو لیاقت آباد میں جلسے کی تیاریوں کے حوالے سے پیپلز سیکریٹریٹ میں اجلاس

خواتین نے بھرپور طریقے سے عوامی رابطہ مہم کا آغاز کر دیا ،29اپریل کو پیپلز پارٹی کراچی میں اپنی بھر پور سیاسی اور عوامی طاقت کا مظاہرہ کرے گی، شاہدہ رحمانی

بدھ اپریل 23:04

کراچی (اُردو پوائنٹ اخبارتازہ ترین۔ 25 اپریل2018ء) پیپلز پارٹی شعبہ خواتین کراچی ڈویژن کے 29 اپریل کو کراچی کے علاقے لیاقت آباد ٹنکی گرانڈ ایف سی ایریا میں ہونے والے جلسے کی تیاریوں کے حوالے سے پیپلز سیکریٹریٹ میں اجلاس منعقد ہوا جس کی صدارت شعبہ خواتین کی صدر ایم این اے شاہدہ رحمانی نے کی اجلاس میں کراچی ڑویژن کے جنرل سیکریٹری جاوید ناگوری، سیکریٹری اطلاعات شہلا رضا نے خصوصی شرکت کی ان کے ہمراہ شعبہ خواتین کراچی ڑویژن کی سیکریٹری اطلاعات شاہینہ سعیدہ بھی موجود تھیں.صدر شاہدہ رحمانی نے اپنے خطاب میں کہا کہ خواتین نے بھرپور طریقے سے عوامی رابطہ مہم کا آغاز کر دیا ہے ۔

انہوں نے کہا کہ 29اپریل کو پیپلز پارٹی کراچی میں اپنی بھر پور سیاسی اور عوامی طاقت کا مظاہرہ کرے گی۔

(جاری ہے)

جلسے میں بڑی تعداد میں عوام شرکت کر کے ثابت کر دیں گے کہ کراچی پیپلز پارٹی کا قلعہ بن چکا ہے ۔ انہوں نے کہا کہ جلسے کی تیاریوں کے حوالے سے شہر کے مختلف علاقوں میں خواتین کی جانب سے استقبالیہ کیمپ بھی لگائے جا رہے ہیں۔ انہوں نے کہا کہ یہ جلسہ کراچی کی تاریخ کا بڑا عوامی اجتماع ہوگا۔

انہوں نے عوام بلخصوص خواتین سے اپیل کی کہ وہ جلسے میں شرکت کریں اور شہید بی بی کے بیٹے بلاول بھٹو زرداری کا ساتھ دیں۔ اس حوالے سے پیپلز پارٹی شعبہ خواتین کراچی کی صدر ایم این اے شاہدہ رحمانی، جنرل سیکریٹری شاہینہ شیر علی اور سیکریٹری اطلاعات شاہینہ سعیدہ و دیگر نے شہر کے مختلف علاقوں کا دورہ کیا اور پارٹی کارکنان اور خواتین سے ملاقاتیں کیں اور انہیں جلسے میں شرکت کی دعوت دی۔