چائلڈ لیبر کے خاتمے کیلئے دکانوں، ہوٹلوں اور ورکشاپس پر مشقت کرنے والے 146 بچوں میں تعلیمی کٹس تقسیم

بدھ 25 اپریل 2018 23:22

مظفرگڑھ۔ 25اپریل(اُردو پوائنٹ اخبارتازہ ترین - اے پی پی۔ 25 اپریل2018ء) محکمہ لیبر نے پنجاب حکومت کی ہدایت پر چائلڈ لیبر کے خاتمے کیلئے دوکانوں، ہوٹلوں اور ورکشاپوں پر مشقت کرنے والے 146 بچوں میں تعلیمی کٹس تقسیم کیں تفصیلات کے مطابق محکمہ لیبر آفس میں ایک تقریب منعقد کی جس میں دوکانوں پر کام کرنے والے بچوں کو خصوصی طور پر مدعو کیا گیا اس موقع پر ڈپٹی ڈائریکٹر لیبر محمد طاہر گورچانی، ڈسٹرکٹ لیبر آفیسر ملک ریاض، لیبر انسپکٹر جاوید بھٹی، سوشل موبالائیزر سلمیٰ مجید اور نادیہ نورین بھی موجود تھے تقریب میں 146تعلیم کے زیور سے آراستہ کرنے کے لئے بچوں کو مفت کتابیں، پینسل، سکول بیگز اور دیگر اشیاء پر مشتمل کٹیں فراہم کی گئیں اس موقع پر محمد طاہر گورچانی نے کہاکہ چائلڈ لیبر کے خاتمہ کے لئے بچوں میں سکول کٹس کی تقسیم پنجاب حکومت کا انقلابی اقدام ہے۔