ہزارہ یونیورسٹی مانسہرہ کے میگا تعمیراتی منصوبہ پر تعمیراتی کام آخری مراحل میں داخل ہو گیا

بدھ 25 اپریل 2018 23:33

مانسہرہ۔ (اُردو پوائنٹ اخبارتازہ ترین - اے پی پی۔ 25 اپریل2018ء) ہزارہ یونیورسٹی مانسہرہ کے میگا تعمیراتی منصوبہ پر تعمیراتی کام آخری مراحل میں داخل ہو گیا ہے۔ یہ تعمیراتی منصوبہ 8 اکیڈیمک بلاکس پر مشتمل ہے اور ہر اکیڈیمک بلاک میں 30 سے زائد تعلیمی شعبہ جات قائم کرنے کی گنجائش رکھی گئی ہے۔ وائس چانسلر پروفیسر ڈاکٹر محمد ادریس نے تعمیراتی کام کا معائنہ کیا۔

(جاری ہے)

اس منصوبہ کے تحت 8 اکیڈیمک بلاکس کی تعمیر آخری مراحل میں ہے، تعمیراتی منصوبہ کی تکمیل سے یونیورسٹی کے تعلیمی و تحقیقی شعبوں کیلئے 96 کلاس رومز، 24 لیکچر رومز، 10 لیبارٹریاں اور مختلف تعلیمی شعبہ جات کیلئے جدید ترین سائنٹفک آلات کی فراہمی شامل ہیں۔ وائس چانسلر نے اس موقع پر کہا کہ منصوبہ کے تعمیراتی کام کے معیار پر کوئی سمجھوتہ نہیں کیا جا سکتا اور یہ تعمیراتی منصوبہ یونیورسٹی کی تاریخ میں سنگ میل ثابت ہو گا اور اس کی تکمیل سے یونیورسٹی کو درپیش انفرا سٹرکچر کے مسائل حل ہو جائیں گے۔ اس منصوبہ کیلئے ہائیر ایجوکیشن کمیشن اسلام آباد نے 66 کروڑ روپے فراہم کئے ہیں۔

Facebook Twitter Google + Share on Whatsapp

ہزارہ یونیورسٹی مانسہرہ کے میگا تعمیراتی منصوبہ پر تعمیراتی کام آخری مراحل میں داخل ہو گیا

متعلقہ عنوان :

مزید تعلیم کی خبریں