اداکار شاہد کپور سلور اسکرین پر باکسر کے کردار میں نظرآئیں گے

شاہد اس وقت شری نرائن کی فلم’’ بتی گل میٹر چالو‘‘ کی شوٹنگ میں مصروف ہیں

جمعرات 26 اپریل 2018 12:13

ممبئی (اُردو پوائنٹ اخبارتازہ ترین - این این آئی۔ 26 اپریل2018ء) بالی ووڈ اداکار شاہد کپور سلور اسکرین پر باکسر کے کردار میں نظرآئیں گے۔ شاہد کپور پدماوت کی کامیابی کے بعد نئے پروجیکٹ پر کام کررہے ہیں۔شاہد اس وقت شری نرائن کی فلم’’ بتی گل میٹر چالو‘‘ کی شوٹنگ میں مصروف ہیں۔

(جاری ہے)

بالی ووڈ میں اس طرح کی خبریں سرگرم ہیں کہ راجہ کرشنن مینن کی فلم میں ایک مکے باز (باکسر) کا کردار کرتے نظر آئیں گے۔ اب تک بالی ووڈ میں باکسنگ پر بہت کم فلمیں بنی ہیں ۔شاہد کپور راجہ کرششن مینن کی فلم میں ایک ایسے باکسر کے طورپر نظر آئیں گے جو اپنی زندگی کی تمام پریشانیوں اور رکاوٹوں کو توڑ کر آگے بڑھتا ہے۔ وہ اپنی جاری فلم کی شوٹنگ بتی گل میٹر چالو کے بعد باکسر کی شوٹنگ میں مصروف ہوں گے۔