شنگھائی میں پاکستانی مریض کا سٹیم سیل لگانے کاکامیاب آپریشن

جمعرات 26 اپریل 2018 13:37

بیجنگ ۔ (اُردو پوائنٹ اخبارتازہ ترین - اے پی پی۔ 26 اپریل2018ء) چین کے شہر شنگھائی میں پاکستانی مریض کا سٹیم سیل لگانے کامیاب آپریشن کردیا گیا جس سے 30سالہ پاکستانی مریض تحسین دلبر کو خون مکمل نہ بننے کے دیرینہ مرض سے نجات مل جائے گی۔

(جاری ہے)

تحسین کا علاج کرنے والے انچارج ڈاکٹر وانگ چون نے میڈیا کو بتایا کہ پاکساتنی مریض میں خون بنانے والے سٹیم سیلز پیوند کاری کرکے لگائے گئے ہیں، یہ بلڈ سٹیم سیلز2010 ء میں ایک خاتون نے عطیہ کئے تھے۔

ڈاکٹر وانگ چون نے بتایا کہ آپریشن کامیاب رہا جس کی وجہ سے مریض میں روایتی علاج کی نسبت صحت یابی کی شرح 60 فیصد ہے اور دو ہفتوں کے بعد مریض میں خون مکمل طور پر بننا شروع ہوجائے گا۔ یہ امر قابل ذکر ہے کہ چینی شہروں بیجنگ، تیان جین، شنگھائی، گوانگ ڈونگ اور دیگر مقامات پر ایمبیلیکل کارڈ یعنی ناڑ کے بلڈ سٹیم سیلز بینک قائم ہیں۔