بیرسٹر سلطان محمود چوہدری کل کوٹلی میں پھگواڑی کے مقام پر ایک جلسہ عام سے خطاب کریں گے

جمعرات 26 اپریل 2018 13:37

اسلام آباد(اُردو پوائنٹ اخبارتازہ ترین - این این آئی۔ 26 اپریل2018ء) آزاد کشمیر کے سابق وزیر اعظم و پی ٹی آئی کشمیر کے صدر بیرسٹر سلطان محمود چوہدری کل 27 اپریل بروز جمعتہ المبار ک کوکوٹلی میں پھگواڑی کے مقام پر ایک جلسہ عام سے خطاب کریں گے۔

(جاری ہے)

اس سے قبل جب ان کا رحمان برج پر جوش استقبال کیا جائے گا اور انہیں گاڑیوں کے ایک بہت بڑے جلوس کی صور میں کوٹلی جلسہ گاہ لایا جائے گا۔ اس موقع پر وہ جلسہ عام سے اپنے خطاب میں اپنے دورے برطانیہ، پاکستان کی سیاسی صورتحال ،آزاد کشمیر اور مقبوضہ کشمیر کی تازہ ترین صورتحال پر اپنے خیالات کا اظہار کریں گے ۔ یہ بیرسٹر سلطان محمود چوہدری کا برطانیہ کے دورے کے بعد پہلا عوامی جلسہ ہو گا۔