اسلام آباد سے بچیوں کو اغواء اور ملک بھر میں بیچنے کا انکشاف

مذموم دھندہ کرنے والا گروہ کے کارندے پکڑے گئے ہیں ،ْگروہ کے غوری ٹاؤن اور مختلف علاقوں میں ٹھکانے ہیں ،ْنجی ٹی وی ملزمان کا پولیس کے سامنے درجنوں معصوم بچیوں کو اغواء کے بعد مختلف شہروں میں بیچنے کا اعتراف

جمعرات اپریل 14:21

اسلام آباد(اُردو پوائنٹ اخبارتازہ ترین۔ 26 اپریل2018ء) وفاقی دارالحکومت اسلام آباد سے کم سن بچیوں کو اغواء اور ملک بھر میں بیچے جانے کا انکشاف ہوا ہے۔ نجی ٹی وی کے مطابق اسلام آباد سے کمسن بچیوں کو ورغلا کر اغواء اور ملک بھر میں سپلائی کئے جانے کا انکشاف ہوا ہے۔ مذموم دھندہ کرنے والا ایک گروہ کے کارندے پکڑے گئے ہیں ،ْاس گروہ کے غوری ٹاؤن اور مختلف علاقوں میں ٹھکانے ہیں۔

دو روز قبل شہر میں اغواء ہونے والی نویں کلاس کی طالبہ کو بازیاب کرایا گیا تھا جس کے بعد اس گروہ کا پردہ چاک ہوا۔

(جاری ہے)

ملزمان نے دوروز قبل نویں جماعت کی ایک طالبہ کو اسکول سے اغواء کیا ،ْ طالبہ کے والدین نے مقدمہ درج کرادیا جس پر تھانہ آبپارہ پولیس نے کارروائی کرتے ہوئے دو روز کے اندر بچی کو بازیاب کروالیا۔ ملزمان نے اغواء کرکے بچی کو غوری ٹائون میں بند کرکے رکھا ہوا تھا ،ْچھاپے کے دوران اغواء کار گروہ کے تین کارندے بھی گرفتار ہوئے۔ ذرائع کے مطابق ملزمان نے پولیس کے سامنے درجنوں معصوم بچیوں کو اغواء کے بعد مختلف شہروں میں بیچنے کا اعتراف کیا ہے۔ تفتیش سے پتہ چلا ہے کہ ملزمان کا نیٹ ورک پورے ملک میں پھیلا ہوا ہے۔

متعلقہ عنوان :