آخری بجٹ عوامی امنگوں کے مطابق ہونا چاہیے ،نوازشریف کی وزیراعظم کو بجٹ میں کوئی نیا ٹیکس نہ لگانے کی ہدایت

بجٹ ٹیکس فری ہوگا اور ترقیاتی منصوبوں کی تکمیل پر توجہ مرکوز کی جائے گی، وزیراعظم شاہد خاقان عباسی کی نواز شریف سے ملاقات میں گفتگو

جمعرات اپریل 17:41

آخری بجٹ عوامی امنگوں کے مطابق ہونا چاہیے ،نوازشریف کی وزیراعظم کو ..
اسلام آباد(اُردو پوائنٹ اخبارتازہ ترین۔ 26 اپریل2018ء) پاکستان مسلم لیگ (ن) کے قائد سابق وزیر اعظم نواز شریف نے وزیراعظم شاہد خاقان عباسی کو بجٹ میں کوئی نیا ٹیکس نہ لگانے اور عوام کو ریلیف دینے کی ہدایت کی ہے جبکہ وزیراعظم شاہد خاقان عباسی نے کہا ہے کہ بجٹ ٹیکس فری ہوگا اور ترقیاتی منصوبوں کی تکمیل پر توجہ مرکوز کی جائے گی۔ جمعرات کو اسلام آباد میں مسلم لیگ(ن)کے قائد نواز شریف کی زیر صدارت راولپنڈی ڈویژن کے پارٹی رہنماں کا اجلاس ہوا۔

(جاری ہے)

جس میں وزیراعظم شاہد خاقان عباسی،، مریم نواز،، پرویز رشید،، ارکان قومی و صوبائی اسمبلی،، سنیٹرز، مئیرز، پارٹی کے ضلعی صدور نے شرکت کی۔ اس موقع پر وزیراعظم شاہد خاقان عباسی نے نوازشریف سے علیحدہ ملاقات بھی کی۔ دونوں رہنما ئو ں نے ملک کی مجموعی سیاسی صورتحال پر تبادلہ خیال کیا جب کہ ن لیگ کے پارٹی امور پر بھی بات چیت کی۔ اس موقع پر نوازشریف نے وزیراعظم شاہد خاقان عباسی کو بجٹ میں کوئی نیا ٹیکس نہ لگانے اور عوام کو ریلیف دینے کی ہدایت کی اور کہا کہ کرتے ہوئے کہا حکومت کا آخری بجٹ عوامی امنگوں کے مطابق ہونا چاہیے ۔ وزیراعظم شاہد خاقان عباسی نے کہا کہ بجٹ ٹیکس فری ہوگا اور ترقیاتی منصوبوں کی تکمیل پر توجہ مرکوز کی ہے۔