باکسر عامر خان نے لیورپول کی جیت پاکستانیوں کے نام کردی

پاکستان میں باکسنگ لیگ سے متعلق بڑا اعلان کرئوں گا، پاکستانیوں نے جیت کیلئے دعائیں کیں ،میری کامیابی پاکستان میں سپورٹرز کی بھی ہے، پاکستان جا کر اپنے مداحوں سے ملاقات کروں گا جنہوں نے مجھے سپورٹ کیا،عامر خان کا ویڈیو پیغام

جمعرات اپریل 21:13

باکسر عامر خان نے لیورپول کی جیت پاکستانیوں کے نام کردی
لندن(اُردو پوائنٹ اخبارتازہ ترین۔ 26 اپریل2018ء) پاکستانی نژاد برطانوی باکسر عامر خان نے لیور پول میں کینیڈین حریف کے خلاف جیتنے والی فائٹ پاکستانیوں کے نام کردی۔اپنے ویڈیو پیغام میں باکسر عامر خان نے کہا کہ پاکستانیوں نے جیت کے لیے دعائیں کیں اور ان کی کامیابی صرف ان کی نہیں بلکہ پاکستان میں ان کے سپورٹرز کی بھی ہے۔ انہوں نے کہا کہ پاکستان جا کر اپنے مداحوں سے ملاقات کروں گا جنہوں نے مجھے سپورٹ کیا۔

(جاری ہے)

عامر خان پاکستان میں باکسنگ لیگ کا ارادہ بھی رکھتے ہیں اور اس حوالے سے انہوں نے کہا کہ پاکستان میں عامر خان سپر باکسنگ لیگ کرانے کا ارادہ ہے۔عامر خان نے کہا کہ وہ آئندہ چند ہفتوں میں پاکستان آرہے ہیں جہاں باکسنگ لیگ سے متعلق بڑا اعلان کریں گے۔یاد رہے کہ 21 اپریل کو برطانیہ کے شہر لیور پول میں ہونے والے مقابلے میں عامر خان نے کینیڈین حریف فِل لو گریکو کو صرف 39 سیکنڈ میں ہی ناک آٹ کردیا تھا۔

متعلقہ عنوان :