’’ باہو بلی ٹو‘‘انتظامیہ کا فلم کو چین میں ریلیز کرنے کا فیصلہ

اداکار پرابھاس کی یہ فلم 'باہو بلی کا سیکوئل ہے جو گذشتہ سال اپریل میں ریلیز کی گئی تھی

جمعہ 27 اپریل 2018 12:23

ممبئی (اُردو پوائنٹ اخبارتازہ ترین - این این آئی۔ 27 اپریل2018ء) بھارتی باکس آفس پر ہنگامہ مچانے والی فلم ’’باہو بلی 2‘‘ کو اب چین میں بھی ریلیز کرنے کا فیصلہ کیا گیا ہے۔

(جاری ہے)

باکس آفس پر ایک کے بعد ایک ریکارڈ روندھتے ہوئے سب کو پیچھے چھوڑ دیا جبکہ عامر خان اور سلمان خان کی فلموں کی چین میں کامیابی کو دیکھتے ہوئے ’باہو بلی ٹو‘ کی انتظامیہ نے بھی فلم کو چین میں ریلیز کرنے کا فیصلہ کیا ہے اور اب دیکھنا یہ ہے کہ 'باہو بلی ٹو خانز کا ریکارڈ توڑنے میں کامیاب ہوتی ہے یا نہیں۔

’باہو بلی ٹو‘ نے باکس آفس پر 1500 کروڑ روپے سے زائد بزنس کرکے بھارتی سنیما کی تاریخ ہی بدل ڈالی ہے۔اس سے قبل ایکشن تھرلر فلم ’باہو بلی ٹو‘ کو بھارت کے بعد جاپان میں بھی ریلیز کیا گیا تھا جہاں فلم نے کامیابی کے جھنڈے گاڑے تھے اور اب فلم 4 مئی کو چین کے سینما گھروں کی زینت بنے گی۔ایس ایس راج مولی کی ہدایتکاری میں بننے والی اداکار پرابھاس کی یہ فلم 'باہو بلی کا سیکوئل ہے جو گذشتہ سال اپریل میں ریلیز کی گئی تھی ۔