شاہ رخ کی فلم ’زیرو‘21دسمبر کو سینما گھروں کی زینت بنے گی

اس فلم میں کترینہ کیف اور انوشکا شرما بھی مرکزی کردار کرتی نظر آئیں گی

جمعہ اپریل 12:23

ممبئی(اُردو پوائنٹ اخبارتازہ ترین۔ 27 اپریل2018ء) بالی ووڈ سلطان سلمان خان شاہ رخ خان کی فلم’’ ’زیرو‘‘ میں مختصر کردار میں دکھائی دیں گے۔ فلم 21دسمبر کو سینما گھروں کی زینت بنے گی -بالی ووڈ کے دبنگ اداکار سلمان خان کو باکس آفس کنگ کی حیثیت حاصل ہے یہی وجہ ہے کہ ہر ہدایت کار سلو میاں کے ساتھ کام کرنا چاہتے ہیں لیکن وقت کی کمی کے باعث ایسا ممکن نہیں ہوتا لہذا وہ کسی نہ کسی طرح دبنگ خان کو اپنی فلم میں مختصر کردار کے لیے آمادہ کرتے ہیں جب کہ شاہ رخ خان کے ساتھ دوستی کے بعد وہ ان کی فلم ’فین‘ میں بھی مختصر کردار میں دکھائی دیے تھے اور اب ان کی نئی فلم ’زیرو‘ میں بھی ان کی انٹری ہوگی۔

بھارتی میڈیا رپورٹس کے مطابق بالی ووڈ کنگ شاہ رخ خان کی نئی فلم ’زیرو ‘ میں سلمان خان خصوصی کردار میں نظر آئیں گے جبکہ فلم میں دونوں اداکاروں کی جوڑی کو دلفریب بنانے اور مداحوں کا لہو گرمانے کیلئے ان پر ایک گیت فلمایہ جائے گا جس کے لئے سکھوندر سنگھ کی خدمات بھی حاصل کرلی گئی ہے۔

(جاری ہے)

ذرائع کا کہنا ہے کہ سکھوندر سنگھ کے اس گیت میں سلمان خان کی بطور مہمان انٹری میں اٴْن کے ساتھ عالیہ بھٹ ، کرشمہ کپور،کاجول اور رانی مکھرجی بھی نظر آئیں گی۔واضح رہے کہ انند ایل رائے کی ہدایت کاری میں بننے والی کنگ خان کی فلم ’زیرو‘ میں کترینہ کیف اور انوشکا شرما بھی مرکزی کردار کرتی نظر آئیں گی جب کہ فلم 21 دسمبر 2018 میں سینما گھروں کی زینت بنے گی۔