فواد حسن فواد آشیانہ سکینڈل کی تحقیقات میں نیب کے سامنے پیش ،

ایک گھنٹہ تک پوچھ گچھ کی گئی تفتیش کے دوران فواد حسن فواد نے کئی دستاویزات بھی پیش کیں،بیان بھی ریکارڈ کیا گیا ‘ ذرائع

جمعہ 27 اپریل 2018 15:59

فواد حسن فواد آشیانہ سکینڈل کی تحقیقات میں نیب کے سامنے پیش ،

لاہور(اُردو پوائنٹ اخبارتازہ ترین - این این آئی۔ 27 اپریل2018ء) وزیراعظم کے پرنسپل سیکرٹری فواد حسن فواد آشیانہ ہائوسنگ سکینڈل کی تحقیقات کے سلسلہ میں نیب کے سامنے پیش ہوگئے۔ذرائع کے مطابق نیب کی مشترکہ تفتیشی ٹیم نے فواد حسن فواد سے ایک گھنٹے تک پوچھ گچھ کی۔ تفتیش کے دوران فواد حسن فواد نے کئی دستاویزات پیش کیں ۔

(جاری ہے)

نیب کی ٹیم نے آشیانہ ہائوسنگ سکیم سکینڈل میں گرفتار ملزمان سے حاصل ہونے والی معلومات کی روشنی میں فواد حسن فواد سے سوالات پوچھے۔

نیب ٹیم نے سوال نامہ کے جوابات طلب کرتے ہوئے بیان بھی ریکارڈ کیا ۔ ذرائع کے مطابق نیب نے آشیانہ ہائوسنگ سکیم میں بے ضابطگیوں اور آمدنی سے زائد اثاثے بنانے کی تحقیقات کرتے ہوئے مطلوب ریکارڈ بھی طلب کیا۔ یاد رہے کہ فواد حسن فواد کو مذکورہ تحقیقات میں وزیر اعلیٰ پنجاب کے سیکرٹری ٹو امپلیمنٹیشن طلب کیا گیا ہے ۔