ایک ماہ کی مہمان حکومت کا بجٹ پیش کرنا قوم سے سنگین مذاق ہے،سیاسی وسماجی رہنماء
5سالہ دور حکومت میں ن لیگ نے قوم کو مہنگائی،بے روزگاری کے سوا کچھ نہ دیا ا ب بجٹ کی آڑ میں سرکاری ملازمین کی ہمدردیاں حاصل کرنے کیلئے ناکام کوشش کی جا رہی ہے ، اظہار خیال
جمعہ 27 اپریل 2018 20:32
(جاری ہے)
ان خیالات کا اظہار تحصیل شکرگڑھ سے تعلق رکھنے والی سیاسی سماجی شخصیات اور سول سوسائٹی کے افراد نے اظہار خیال کرتے کیا قومی اسمبلی کی امیدوار وجیہہ قمر نے کہا کہ مسلم لیگ ن کی موجودہ حکومت نے اپنے 5سالہ دور اقتدار میں اپنے ایک بھی وعدہ کو پورا نہ کیا اب ایک ماہ کی مہمان حکومت بجٹ کی آڑ میں قوم کو بھلا کیا ریلیف دے سکتی ہے آل پاکستان مسلم لیگ کے صوبائی امیدوار حلقہ47چوہدری منظور احمد نے کہا ہے کہ پرویز مشرف کو ہدف تنقید بنانے والی ن لیگی یہ بھول بیٹھے کہ مشرف دور میں ملک کے سرحدی علاقوں تک پختہ سڑکوں کا جال پھیلا دیا گیا تھا اور مہنگائی کی شرح ایسی نہ تھی عام آدمی کی زندگی اجیرن نہ تھی خوشحالی کا دور دورہ تھا ن لیگی حکومت اپنے اقتدار کا سورج غروب ہوتا دیکھ کر بجٹ کی صورت میں قوم سے بھونڈا مذاق کررہی ہے زیب سجادہ آستانہ عالیہ نوریہ شریف پیر عابد حسین نوری نے کہا ہے کہ موجودہ حکومت کا پورا دور تو جھوٹے وعدوں پر گذر گیا ہے مہنگائی نے غریب شہری کی کمر توڑ کر رکھ دی کرپشن لوٹ مارنے حکومت کے ترقیاتی کاموں کا پول کھول کررکھ دیا سینے پر ہاتھ مار کر6ماہ میں لوڈ شیڈنگ ختم کرنے کے دعویدار شہباز شریف نے اب تک اپنا نام بھی نہیں بد لا اب بجٹ کی صورت میں یہ قوم کی تقدیر کیا بدلیں گے المصطفے ویلفئیر سوسائٹی کے تحصیل صدر محمد نعیم شیخ نے کہا ہے کہ بجٹ در حقیقت حکومت کا ایک سیاسی پتا ہے جسے پھینک کر آنے والی حکومت کو پھنسانے کی کوشش کی گئی ہے معروف روحانی شخصیت پیر صوفی مصور حسین الخیری جلالپوری نے کہا ہے کہ اسلام میں موجودہ جمہوریت کا کوئی تصور نہیں یہ جمہوریت کے نام پر یزیدی نظام مسلط کیا گیا تھاجس میں اشرافیہ مظلوم انسانیت کا خون پی کر پروان چڑھتی ہے نامور سماجی شخصیت عنائیت حجازی نے کہا کہ کشکول توڑنے والوں نے دنیا کے آگے جھولی پھیلا دی تھی قوم کا بال بال قرضوں میں جکڑ دیا گیا حالیہ بجٹ الفاظ کا گورکھ دھندا اور کھلا دھوکہ ہے بجٹ اس حکومت کو پیش نہیں کرنا چاہئے تھااس بجٹ کے ذریعے شریفوں کو کچھ حاصل نہیں ہونے والا بلکہ انہوں نے آنے والوں کی راہ میں کانٹے بچھادئیے ہیں نہ ہی اس بجٹ سے عام آدمی کو کچھ ریلیف ملے گا جبکہ حکومتی جماعت کے سنئیر رہنما ڈاکٹر حافظ شبیر احمد کا کہنا ہے کہ مسلم لیگ ن کی حکومت نے الیکشن سے پہلے قوم کو بجٹ کا ایسا تحفہ دیا ہے جس سے عام آدمی سرشار ہو گا ملازمین خوشحال ہونگے ہر شہری کو ریلیف ملے گا اور ان شاء اللہ قوم ایک بار پھر شیر کا نعرہ مستانہ بلند کرے گی انہو ں نے کہا کہ موجودہ حکومت کے دور میں مہنگائی کی شرح میں واضح کمی آئی ہے اللہ کے فضل و کرم سے سی پیک جیسے قومی اور ملکی خوشحالی کے ضامن منصوبے دئیے ہیں آنے والے انتخابات میں مسلم لیگ ن اپنی بہترین کارکردگی کی بناء پر عوام کی جے آئی ٹی میں اپنا مقدمہ پیش کرکے سرخرو ہوگی
مزید قومی خبریں
-
ٹرین میں تاریں کاٹ کر تانبہ چوری کرنے والا شخص پکڑا گیا
-
مسلم لیگ (ن) کا دفتر جلانے کا کیس، یاسمین راشد ، اعجاز چودھری ، صنم جاویدو دیگر فرد جرم کیلئے طلب
-
بانی پی ٹی آئی نے خواتین کی گرفتاریوں پر تشویش کا اظہار کیا،شیر افضل مروت
-
فیصل آباد، مبینہ پولیس مقابلہ کے دوران گولی لگنے سے ایک ڈاکو زخمی حالت میں گرفتار
-
وزیراعلی پنجاب مریم نوازشریف کی زیر صدارت پولیس ٹریننگ کالج چوہنگ کمیٹی روم میں اجلاس کا انعقاد
-
جھگڑے میں گاڑی بھگانے کے دوران پولیس اہلکارکو گاڑی ٹکر لگنے کے مقدمہ میں گرفتارخاتون کو 14روزہ جوڈیشل ریمانڈ جیل بھیجنے کا حکم
-
فیصل آباد، سرکاری آٹا کی سپلائی کے دوران بے ضابطگیوں پر11 فلورملزکے لائسنس منسوخ
-
وزیراعلیٰ مریم نوازکا عزیز بھٹی شہید ہسپتال کی چھت گرنے کے معاملہ پرسخت ایکشن،ایم ایس برطرف، تین افسرمعطل
-
نیپرا نے کے الیکٹرک کے 7 سالہ سرمایہ کاری کے روڈ میپ پر فیصلہ دے دیا
-
چیئرمین سینیٹ نے ایوان بالا کے 337 ویں اجلاس کے لئے پینل آف پریذائیڈنگ آفیسرز کے ناموں کا اعلان کر دیا
-
چیف جسٹس کوکراچی کے لذیذ کھانوں اورکچوریوں کی یاد آ گئی
-
سپریم کورٹ کا نسلہ ٹاور کی زمین فروخت کرکے الاٹیز کو معاوضہ ادا کرنے کا حکم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.