پی ایس ڈی پی ، کھیلوں کے فروغ کیلئے جاری اورنئے منصوبوں کیلئے 3ارب55کروڑ روپے سے زائد فنڈز مختص

جمعہ 27 اپریل 2018 22:02

اسلام آباد(اُردو پوائنٹ اخبارتازہ ترین - آن لائن۔ 27 اپریل2018ء) آئندہ مالی سال 2018-19ء کیلئے سرکاری شعبہ کے ترقیاتی پروگرام (پی ایس ڈی پی) کے تحت کھیلوں کے شعبہ کی ترقی اور ملک میں کھیلوں کے فروغ کیلئے پہلے سے جاری اورنئے منصوبوں کیلئے 3ارب55کروڑ 25لاکھ84 ہزار روپے کے فنڈز مختص کئے گئے ہیں۔

(جاری ہے)

سالانہ ترقیاتی رپورٹ کے مطابق ان منصوبوں میں نارووال میں46کروڑ70لاکھ ایک ہزار روپے کی لاگت سے نیشنل سپورٹس سٹی کی تعمیر،کھیلوں کے بنیادی ڈھانچے کے استحکام کیلئے 84کروڑ84 لاکھ50 ہزار روپے، ملک کے چھ مختلف شہروں میں ہاکی ٹرفس کی تبدیلی کیلئے 42کروڑ31 لاکھ63 ہزار روپے ،سوا ت میں ہاکی کیلئے آسٹرو ٹرف بچھانے کیلئے 13کروڑ25لاکھ93 ہزار روپے، مختلف کھیلوں کے فروغ کیلئے 3کروڑ روپے،ملک کے مختلف شہروں میں صوبائی حکومتوں کے اشتراک سے 100 نئے سٹیڈیمز کی تعمیر کیلئے ایک ارب روپے اور دیگرمختلف منصوبوں کیلئے 65 کروڑ13 لاکھ68 ہزار روپے کے منصوبے شامل ہیں۔

04-18/--295