چھوٹے صوبوں کی عوام کے زخموں پر مزید نمک پاشی بند کی جائے، فاٹا انضمام کے عمل کو فوری عملی جامہ پہنایا جائے ،آفتاب احمد شیرپاؤ
جمعہ 27 اپریل 2018 22:59
(جاری ہے)
آفتاب شیرپائو نے کہا کہ قومی وطن پارٹی عدم تشدداور سیاسی جدوجہد پر یقین رکھتی ہے اور پارٹی کارکنوں نے ہر کھٹن مرحلہ پر عملی جدوجہد کا مظاہرہ کرکے عوام کی خدمت کیلئے کسی بھی جانی اور مالی قربانی سے دریغ نہیں کیا ۔انھوں نے کہا کہ قومی وطن پارٹی نے عہد کیا ہوا ہے کہ وہ ہر محاذ پر ان کی فلاح اور بہتری کیلئے کوششیں جاری رکھے گی۔
انھوں نے کہا کہ عالمزیب عمرزئی شہید ایک نڈر اور بہادر کارکن تھے جنہوں نے عملی طور پر پارٹی کے پلیٹ فارم سے صحیح معنوں میں علاقہ اور عوام کی خدمت کی ہے اور اس مقصد کیلئے اپنی جان کا نذرانہ پیش کرنے سے بھی دریغ نہیں کیا۔انھوں نے کہا کہ قومی وطن پارٹی نے ہر موقع پرچھوٹے صوبوں کے حقوق کے تحفظ کیلئے آواز اٹھائی ہے اور وہ اپنایہ مشن تادم جاری رکھے گی۔انھوں نے کہا کہ مرکز کی جانب سے چھوٹے صوبوں کے ساتھ سوتیلی ماں جیسا برتائو قابل تشویش ہے اور اس عمل سے ان کے تکالیف اور محرومیوں میں مزید اضافہ ہو گا۔انھوں نے کہا کہ مرکزی سطح پر جاری سیاسی رسہ کشی اور اقتدار کی جنگ سے اہم صوبائی مسائل جیسے پختونوں کے حقوق ،فاٹا ریفارمز اوردیگر اہم مسائل پس پشت چلے گئے۔انھوں نے سینٹ کی جانب سے فاٹا ریفارمز بل میں تاخیری اقدام پر تنقید کرتے ہوئے کہا کہ ہماری کوشش تھی کہ فاٹا انضمام کے عمل کو فوری طور عملی جامہ پہنایا جائے لیکن سینیٹ نے تاخیر سے بل پاس کرکے سیاسی جماعتوں کے جدوجہد کو نقصان پہنچایا۔انھوں نے کہا کہ اگر سینیٹ کی جانب سے بل بروقت منظور کرلیا جاتا تو قبائل عوام کے الیکشن سے قبل صوبائی اسمبلیوں میں نمائندگی یقینی بنائی جا سکتی تھی ، پی ٹی آئی ایک غیر سنجیدہ سیاسی جماعت ہے جس کے ساتھ کوئی بھی سیاسی جماعت اتحاد کیلئے تیار نہیں اور یہی وجہ ہے کہ دیگر تمام سیاسی جماعتوں کی طرح اب جماعت اسلامی نے بھی ان سے راہیں جدا کر لی ہے۔انھوں نے کہا کہ پی ٹی آئی کی قیادت پارٹی کو ون مین شو کے طور پر چلا رہے ہیں جو کہ کسی بھی سیاسی جماعت کا شیوہ نہیں ہے کیونکہ سیاست میں برد باری اور مستقل مزاجی سے عوام کی خدمت کو یقینی بنایا جا تا ہے لیکن افسوس کی بات ہے ان کے ساتھ جس سیاسی پارٹی نے بھی اتحاد کیا ان پر پی ٹی آئی کی غیر مخلصانہ رویے عیاں ہو چکے ہیں۔انھوں نے کہا کہ عمران کی سیاست صرف اور صرف وزیراعظم کی کرسی تک پہنچنے کے سوا کچھ نہیں جس کی خاطر وہ پختون قوم کے مستقبل کے ساتھ کھیل رہے ہیں۔انھوں نے کہا کہ پی ٹی آئی کی صوبائی حکومت ہر سطح پر مکمل طور پر ناکام ہو چکی ہے اور وہ عوام کو تحفظ دینے میں بھی ناکام رہی ہے۔انھوں نے کہا کہ پی ٹی آئی حکومت کی غیر سنجیدگی کا یہ حال ہے کہ پہلے تو بیوٹیفیکیشن کے نام پر اربوں روپے پانی کی طرح بہائے گئے اور پھر ایک بے وقت اور بغیر منصوبہ بندی کے بی آر ٹی کے نام پر ترقیاتی کام شروع کرکے صوبے کو کھنڈرات میں تبدیل کردیا گیا۔انھوں نے کہا کہ افسوس کی بات ہے کہ پختونوں پر ناپختہ سوچ رکھنے والے حکمران مسلط ہوئے جنہوں نے صوبہ کواتنا نقصان پہنچایا جس کی مثال تاریخ میں نہیں ملتی۔انھوں نے کہا کہ ایک طرف پی ٹی آئی کی حکومت سوشل میڈیا کے ذریعے ترقیاتی کاموں کے دعوے کرتے نہیں تکتی تو دوسری طرف چیف جسٹس آف پاکستان ثاقب نثار نے پشاور کا دورہ کیا تو عملی میدان میں کوئی تبدیلی نہ دیکھ کر دھنگ رہ گئے۔انھوں نے کہا کہ آج صوبہ کے ہسپتالوں کا یہ حال ہے کہ وہاں کے ایمبولینس گاڑیاں اور دوسرے ضروری آلات خستہ حال پڑے ہیں ۔انھوں نے کہا کہ خطے میں دیرپا امن کے قیام او ر افغانستان اور پاکستان دونوں ہمسایہ ممالک میں تجارتی روابط مضبوط بنانے کیلئے ان کے مابین دوستانہ تعلقات کے فروغ کیلئے اقدامات انتہائی ضروری ہے ۔انھوں نے اسلام آباد اور کابل پر زور دیا ہے کہ وہ بات چیت کے ذریعے دونوں جانب تعلقات کی مزید بہتری کیلئے اقدامات اٹھائے۔جلسہ سے قومی وطن پارٹی کے صوبائی چیئرمین سکندر حیات خان شیرپائو،ایم پی اے ارشد خان عمرزئی اور دیگر نے بھی خطاب کیا۔مزید اہم خبریں
-
عمران خان سمیت اڈیالہ جیل کے تمام قیدیوں سے ملاقاتوں پرپابندی ختم
-
رانا مشعود احمد خان اور ڈاکٹرمختار بھرت وزیراعظم کے کوآرڈینیٹر مقرر
-
وفاقی وزیر داخلہ محسن نقوی کاایک روزہ دورہ پشاور،کمانڈنٹ ایف سی نے ائرپورٹ پراستقبال کیا
-
وفاقی وزیرداخلہ محسن نقوی نے خیبرپختونخوا کے وزیراعلیٰ علی امین گنڈاپور سے ملاقات
-
نادرا سے ڈیٹا چوری سکینڈل،8 افسران معطل ، درجن سے زائد کیخلاف کارروائی کا آغاز
-
پی ٹی آئی نے ججز کے خط کی تحقیقات کیلئے حکومت کے انکوائری کمیشن کو مسترد کردیا
-
تعلیمی اداروں میں موسم بہار کی تعطیلات کا اعلان
-
’چیف جسٹس آف پاکستان نے سخت موقف نہیں اپنایا، تو عدلیہ کی آزادی ایک خواب بن جائے گی‘
-
وفاقی حکومت نے نگران حکومت کی معاشی شرح نمو پر نظرثانی رپورٹ جاری کردی
-
آئی ایم ایف نے بجلی کی قیمت میں 32 روپے کمی کیلئے حکومت کو فارمولہ تجویز کر دیا
-
وفاقی حکومت کا بجلی چوری اور سہولت کاری میں ملوث افسران کیخلاف کاروائی کا فیصلہ
-
وفاقی وزیر داخلہ محسن نقوی کی وزیر اعلیٰ ہاؤس پشاور آمد
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.