پیپلز پارٹی کو الزام تراشی سے پہلے اپنا ریکارڈ ملاحظہ کرنا چاہیے، وفاقی وزیرریاض حسین پیرزادہ

جمعہ اپریل 23:08

پیپلز پارٹی کو الزام تراشی سے پہلے اپنا ریکارڈ ملاحظہ کرنا چاہیے، وفاقی ..
اسلام آباد۔ 27اپریل(اُردو پوائنٹ اخبارتازہ ترین۔ 27 اپریل2018ء) وفاقی وزیر بین الصوبائی رابطہ ریاض حسین پیرزادہ نے کہا ہے کہ پیپلز پارٹی کو الزام تراشی سے پہلے اپنا ریکارڈ ملاحظہ کرنا چاہیے۔ جمعہ کو قومی اسمبلی کے اجلاس میں بجٹ پیش ہونے سے قبل وفاقی وزیر بین الصوبائی رابطہ میاں ریاض حسین پیرزادہ قائد حزب اختلاف سید خورشید شاہ کے نکتہ اعتراض کے جواب میں بات کرنا چاہتے تھے تاہم سپیکر نے انہیں مفتاح اسماعیل کی بجٹ تقریر کے بعد بات کرنے کا موقع دیا۔

(جاری ہے)

میاں ریاض حسین پیرزادہ نے کہا کہ وہ پیپلز پارٹی کو یاد کرانا چاہتے تھے کہ رحمان ملک کو انہوں نے اس وقت مشیر داخلہ بنایا تھا جب وہ کرپشن کے الزام پر ملک سے بھاگے ہوئے تھے اور برطانیہ کی شہریت لے رکھی تھی اور ان کا نام بھی ووٹر لسٹ میں شامل نہیں تھا۔ میں اس وقت بار بار یہ بات اس ایوان میں کہتا رہا لیکن تب پیپلز پارٹی کے ارکان اس ایوان میں کہتے تھے کہ وزیراعظم کو مشیر مقرر کرنے کا اختیار حاصل ہے۔ آج پیپلز پارٹی مفتاح اسماعیل پر اعتراض کر رہی ہے جبکہ ان کا نام ووٹر لسٹ میں ہے اور وہ پاکستان کی شہریت بھی رکھتے ہیں اس لئے ہماری پارٹی کو الزام دینے سے پہلے پیپلز پارٹی کو اپنا ریکارڈ ملاحظہ کرنا چاہیے۔