شیخ رشید بھی نا اہل ہونے والے ہیں ، ان کو بھنک پڑ گئی ہے

Sumaira Faqir Hussain سمیرا فقیرحسین ہفتہ اپریل 11:50

شیخ رشید بھی نا اہل ہونے والے ہیں ، ان کو بھنک پڑ گئی ہے
اسلام آباد (اُردو پوائنٹ تازہ ترین اخبار۔ 28 اپریل 2018ء) ::نجی ٹی وی چینل کے پروگرام میں بات کرتے ہوئے معروف صحافی حامد میر نے کہا کہ کچھ دن قبل مجھے شیخ رشید صاحب ملے اور وہ میرے سے پوچھ رہے تھے کہ سپریم کورٹ میں میرا جو کیس ہے اس کا کیا بنے گا ؟ جس پر میں نے انہیں جواب دیاکہ اس کیس پر میں تو کوئی پیشن گوئی نہیں کر سکتا۔

(جاری ہے)

اس کے بعد جب خواجہ آصف کی نا اہلی کا اعلان ہوا تو پی ٹی آئی کے کارکنوں اور تحادیوں نے اس پر بات کی،لیکن اس پر شیخ صاحب خاموش تھے انہوں نے خواجہ آصف کی نا اہلی پر کوئی تبصرہ نہیں کیا، ایسا لگتاہے کہ شاید ان کو خود ہی بھنک پڑ گئی ہے کہ ہو سکتا ہے کہ ان کے خلاف بھی نااہلی ہو جائے ۔

شیخ رشید نے اپنے کاغذات نامزدگی میں اپنی کچھ زمین ڈکلئیر نہیں کی جو ان کے نام ہے ، ہو سکتا ہے کہ ان کو بھی آئین کے آرٹیکل 62 ایف ون کے تحت نا اہل قرار دے دیا جائے۔ سیاستدان خود ایک دوسرے کے خلاف درخواستیں دائر کر کے یہ پنڈورا باکس کھول چکے ہیں۔ انہوں نے مزید کیا کہا آپ بھی دیکھیں: