ایشین سنوکر چیمپئن شپ کی تیاری، قومی کیوئسٹس کا تربیتی کیمپ زوروشور سے جاری، محمد آصف، محمد بلال، بابر مسیح اور محمد ماجد علی ملک کی نمائندگی کریں گے

ہفتہ 28 اپریل 2018 15:30

اسلام آباد ۔ (اُردو پوائنٹ اخبارتازہ ترین - اے پی پی۔ 28 اپریل2018ء) آئندہ ماہ شیڈول ایشین سنوکر چیمپئن شپ کی تیاری کے سلسلے میں قومی کیوئسٹس کا تربیتی کیمپ کراچی میں زوروشور سے جاری ہے، ایونٹ 6 سے 12 مئی تک ایران میں کھیلا جائے گا جس میں محمد آصف، محمد بلال، بابر مسیح اور محمد ماجد علی ملک کی نمائندگی کریں گے۔

(جاری ہے)

پی بی ایس اے کی طرف سے جاری کردہ تفصیلات کے مطابق ایسوسی ایشن نے ایشین سنوکر چیمپئن شپ کیلئے ٹیم کا اعلان کر دیا گیا ہے، آصف، بلال، بابر مسیح اور محمد ماجد علی ایکشن میں دکھائی دیں گے جبکہ دو آفیشلز بھی ٹیم کے ہمراہ جائیں گے، ایونٹ کی تیاری کے سلسلے میں قومی کیوئسٹس کا تربیتی کیمپ این بی پی سپورٹس کمپلیکس بلیئرڈ ہال کراچی میں زوروشور سے جاری ہے جو کہ 3 مئی کو اختتام پذیر ہو گا، پی بی ایس اے حکام کا کہنا ہے کہ کیوئسٹس سے بہت توقعات وابستہ ہیں، امید ہے کہ وہ ایونٹ میں عمدہ کارکردگی کا مظاہرہ کر کے بہترین نتائج کے ساتھ واپس وطن لوٹیں گے۔