پاکستان تحریک انصاف کے زیر اہتمام عظیم الشان جلسہ کل مینار پاکستان لاہورمیں منعقد ہو گا

ہفتہ 28 اپریل 2018 17:06

مظفرآباد(اُردو پوائنٹ اخبارتازہ ترین - این این آئی۔ 28 اپریل2018ء) پاکستان تحریک انصاف کے زیر اہتمام عظیم الشان جلسہ کل مینار پاکستان لاہور میں منعقد ہو گا۔ سابق امیدوار اسمبلی سید ذیشان حیدر کی قیادت میں پی ٹی آئی آزاد کشمیر کے قافلے لاہور روانہ ۔ سابق وزیر اعظم آزاد کشمیر بیرسٹر سلطان محمود کی قیادت میں آج عظیم الشان ریلی کی صورت میں پی ٹی آئی آزاد کشمیر کا قافلہ وسن پورہ لاہور سے مینار پاکستان کی طرف روانہ ہو گا۔

(جاری ہے)

مظفر آباد روانگی سے قبل سابق امیدوار اسمبلی سید ذیشان حیدر نے صحافیوں سے گفتگو کرتے ہوئے کہا کہ آج کا جلسہ پاکستان کی تاریخ میں ایک نیا باب رقم کرے گا۔ جس میں پی ٹی آئی اپنے قائد عمران خان کی قیادت میں ایک متحد پاکستان کی بنیاد کو مظبوط تر بنانے میں اپنے تمام کارکنان کے ساتھ عہد کریں گے۔ جلسہ میں آئندہ ہونے والے الیکشن کے حوالے سے تنظیمی ڈھانچے کے موثر استعمال بارے کارکنان سے خطاب کیا جائے گا۔ نوجوان اس جلسہ میں شریک ہو کر عمران خان کے ہاتھ مظبوط کریں اور ایک نئے پاکستان کی تکمیل میں شامل ہوں۔