مادھوری ڈکشٹ کی فلم کلنک کی عکسبندی شروع کردی گئی

ہفتہ اپریل 18:10

مادھوری ڈکشٹ کی فلم کلنک کی عکسبندی شروع کردی گئی
ممبئی(اُردو پوائنٹ اخبارتازہ ترین۔ 28 اپریل2018ء) بالی وڈ اداکارہ مادھوری ڈکشٹ نے فلم کلنک کی عکسبندی شروع کر دی۔ بھارتی ذرائع ابلاغ کے مطابق اداکارہ عالیہ بھٹ اور عالیہ بھٹ کے بعد اداکارہ مادھوری ڈکشٹ نے بھی فلمساز کرن جوہر کی فلم کلنک کی عکسبندی شروع کر دی ہے، اداکارہ مادھوری نے ورون دھون اور عالیہ بھٹ کیساتھ سوشل میڈیا پر سیلفی شیئر کرتے ہوئے کہا کہ فلم کلنک کی شوٹنگ کا انتظار انہیں کئی روز سے تھا، اب یہ انتظار ختم ہو گیا اور فلم بکٹ لسٹ کے بعد فلمساز کرن جوہر کے ساتھ ان کی یہ دوسری فلم ہے۔

(جاری ہے)

فلم میں اداکار سنجے دت اور مادھوری ڈکشٹ برسوں بعد اکھٹے دکھائی دیں گے۔ فلم کی کاسٹ میں ورون دھون، عالیہ بھٹ، ادیتیا رائے کپور، سوناکشی سنہا اور دیگر بھی شامل ہیں۔۔