عام انتخابات کے سلسلہ میں اسسٹنٹ پریذائیڈنگ آفیسرز اور پولنگ آفسران کی تربیت شروع

ہفتہ 28 اپریل 2018 18:27

کلرسیداں ۔ (اُردو پوائنٹ اخبارتازہ ترین - اے پی پی۔ 28 اپریل2018ء) عام انتخابات کے سلسلہ میں اسسٹنٹ پریذائیڈنگ آفیسرز اور پولنگ آفسران کی تربیت شروع ہو گئی ہے۔اس سلسلہ میں ایم سی کلر سیداں کے جناح ہال میں دو مختلف سیشنز میں 53،53 اے پی اوز ار پی اوز نے ٹریننگ میں حصہ لیا۔

(جاری ہے)

ماسٹر ٹرینر راجہ نثار احمد نے ’’اے پی پی‘‘ سے گفتگو کرتے ہوئے بتایا کہ اسسٹنٹ پریذائیڈنگ آفسران وپولنگ آفسران (مردانہ) کیلئے چار یوم جبکہ خواتین آفسران کیلئے تین روزہ سیشنز کا اہتمام کیا گیا ہے۔تحصیل کلر سیداں میں اسسٹنٹ ایجوکیشن آفیسر اعظم شہزاد کو اس سلسلہ میں فوکل پرسن تعینات کیا گیا ہے جو اس تربیت کی نگرانی کریں گے۔