قومی ٹیم ایشین سنوکر چمپئن شپ میں شرکت کے لئی4 مئی کو ایران روانہ ہوگی

اتوار 29 اپریل 2018 13:20

اسلام آباد(اُردو پوائنٹ اخبارتازہ ترین - این این آئی۔ 29 اپریل2018ء) قومی ٹیم ایشین سنوکر چمپئن شپ میں شرکت کے لئی4 مئی کو ایران روانہ ہوگی۔ پاکستان بلئیرڈ ایسوسی ایشن کے میڈیا کوآرڈینیٹر نوید کباڈیہ نے بتایا کہ آئندہ ماہ شیڈول ایشین سنوکر چمپئن شپ 6 سے 12 مئی تک ایران میں کھیلا جائے گا جس میں محمد آصف، محمد بلال، بابر مسیح اور محمد ماجد علی ملک کی نمائندگی کریں گے۔

(جاری ہے)

ایونٹ کی تیاری کے سلسلے میں قومی کیوئسٹس کا تربیتی کیمپ این بی پی سپورٹس کمپلیکس بلیئرڈ ہال کراچی میں زوروشور سے جاری ہے جو 3 مئی کو اختتام پذیر ہو گا۔ انہوںنے کہا کہ کیوئسٹس سے بہت توقعات وابستہ ہیں، امید ہے کہ وہ ایونٹ میں عمدہ کارکردگی کا مظاہرہ کر کے بہترین نتائج کے ساتھ واپس وطن لوٹیں گے۔