حکومت کے پیش کردہ بجٹ سے بہتر بجٹ پیش نہیں کیا جا سکتا

یہ بجٹ آئندہ حکومت کے لیے آسانیاں پیدا کرے گا، ٹیکس میں چھوٹ دی گئی تا کہ زیادہ سے زیادہ لوگ ٹیکس کے دائرے میں آسکیں وفاقی وزیر برائے پارلیمانی امور شیخ آفتاب احمد کی اے پی پی سے گفتگو

اتوار 29 اپریل 2018 14:20

اٹک۔ (اُردو پوائنٹ اخبارتازہ ترین - اے پی پی۔ 29 اپریل2018ء) وفاقی وزیر برائے پارلیمانی امور شیخ آفتاب احمد نے کہا ہے کہ حکومت کی جانب سے پیش کردہ بجٹ سے بہتر بجٹ پیش نہیں کیا جا سکتا تھا،یہ آنے والی کسی بھی حکومت کیلئے آسانیاں پیدا کرے گا، ٹیکس میں چھوٹ دی گئی تا کہ زیادہ سے زیادہ لوگ ٹیکس کے دائرے میں آسکیں۔ انہوں نے یہ بات اے پی پی سے خصوصی گفتگو کرتے ہوئے کہی۔

(جاری ہے)

شیخ آفتاب احمد نے کہا کہ 2013ء میں جب میاں محمد نواز شریف نے حکومت سنبھالی تو ملک کے حالات انتہائی ابتر تھے، اندھیروں کا راج تھا، دہشت گردی عروج پر تھی، کراچی جیسا روشنیوں کا شہر لٹیروں کا گڑھ بنا ہوا تھا، ملک میں سرمایہ کاری رکی ہوئی تھی لیکن حکومت نے حالات کا مقابلہ کرتے ہوئے ملک کو بہتری کی جانب گامزن کیا اور مالیاتی ذخائر 18ارب ڈالر تک پہنچائے،اس دوران برآمدات میں بھی اضافہ ہوا جس سے حالات بہتری کی جانب چل پڑے۔

شیخ آفتاب احمد نے کہا کہ وزیر خزانہ کی جانب سے پیش کیا جانے والا بجٹ ٹیکس فری ہے اور اس بجٹ میں 12لاکھ روپے سالانہ تک کی آمدنی والے ملازمین کو ٹیکس میں چھوٹ دی، پینشنمیں اضافہ کیا اور ہائوس رینٹ کو بڑھایا گیا۔ انہوں نے کہا کہ اقتصادی ماہرین نے اپنے تجزیوں میں اس بجٹ کو بہترین قرار دیا ہے ۔

Facebook Twitter Google + Share on Whatsapp

حکومت کے پیش کردہ بجٹ سے بہتر بجٹ پیش نہیں کیا جا سکتا

متعلقہ عنوان :

مزید اہم خبریں