کپاس کے کاشتکاروں کو اچھی پیداوار کے حصول کیلئے ذرخیز میرازمین کے انتخاب کی ہدایت

اتوار 29 اپریل 2018 15:00

فیصل آباد۔29 اپریل(اُردو پوائنٹ اخبارتازہ ترین - اے پی پی۔ 29 اپریل2018ء) کپاس کے کاشتکاروں کو اچھی پیداوار کے حصول کیلئے ذرخیز میرازمین کے انتخاب کی ہدایت کی گئی ہے اور کہاگیاہے کہ کاشتکار ماہرین زراعت کی سفارشات کے مطابق ایسی زمین کاانتخاب کریں جو تیاری کے بعد بھر بھری اور دانے دار ہوجائے جس میں نامیاتی مادہ کی مقدار بہتر ہو ، پانی زیادہ جذب کرنے اور دیر تک وتر قائم رکھنے کی صلاحیت بھی موجود ہوجبکہ زمین کی نچلی سطح سخت نہ ہو تاکہ پودے کی جڑوں کو نیچے اور اطراف میں پھیلنے میں دشوار ی پیش نہ آئے۔

(جاری ہے)

ماہرین زراعت نے کہا کہ کاشتکار زمین کی تیاری کے لیے گہرا ہل چلائیں اور زمین کی ہمواری بذریعہ لیزر لیولنگ کریں تاکہ پودے کی جڑیں آسانی سے گہرائی تک جاسکیں اور وتر دیر تک قائم رہے۔ انہوںنے کہاکہ مزید معلومات یارہنمائی کیلئے محکمہ زراعت توسیع کے فیلڈ سٹاف کی خدمات سے بھی استفادہ کیاجاسکتاہے۔

Facebook Twitter Google + Share on Whatsapp

کپاس کے کاشتکاروں کو اچھی پیداوار کے حصول کیلئے ذرخیز میرازمین کے انتخاب کی ہدایت

متعلقہ عنوان :

مزید قومی خبریں