مسلم لیگ (ن) کے صدر راجہ محمد فاروق حیدر خان نے محبوب اصغر اور کوٹلی کے سابق صدر ملک ظفر کو پارٹی ڈسپلن کی خلاف ورزی پر پارٹی سے نکال دیا

اتوار 29 اپریل 2018 17:50

اسلام آباد ۔ (اُردو پوائنٹ اخبارتازہ ترین - اے پی پی۔ 29 اپریل2018ء) مسلم لیگ (ن) کے صدر راجہ محمد فاروق حیدر خان نے محبوب اصغر اور کوٹلی کے سابق صدر ملک ظفر کو جماعتی ڈسپلن کی خلاف ورزی پر پارٹی سے نکال دیا ہے۔

(جاری ہے)

اتوار کو پاکستان مسلم لیگ(ن) آزاد جموںو کشمیر کی طرف سے جاری اعلامیہ کے مطابق صدر جماعت راجہ محمد فاروق حیدر خان نے میرپور ڈویژن کے سابق جنرل سیکرٹری محبوب اصغر اور حلقہ ایل ای8-کوٹلی کے سابق صدر ملک ظفر کو گذشتہ انتخابات 2016میں جماعتی ڈسپلن کی خلاف ورزی کرنے اور شو کاز نوٹس کا جواب نہ دینے کی پاداش میں پاکستان مسلم لیگ(ن) آزاد جموںو کشمیر کی بنیادی رکنیت سے خارج کر دیا ہے۔ لہٰذا ان دونوں کا اب جماعت سے کوئی تعلق نہ ہے۔