لاہور کی عوام نے اپنا فیصلہ عمران خان کے حق میں دیدیا ،تحریک انصاف کی 20سال کی جدوجہد رنگ لے آئی ہے، ڈاکٹر نوشین حامد

اتوار 29 اپریل 2018 19:20

لاہور (اُردو پوائنٹ اخبارتازہ ترین - آن لائن۔ 29 اپریل2018ء) تحریک انصاف کی رکن پنجاب اسمبلی ڈاکٹر نوشین حامد نے کہا ہے کہ لاہور کی عوام نے اپنا فیصلہ عمران خان کے حق میں دے دیا ہے۔تحریک انصاف کی 20سال کی جدوجہد رنگ لے آئی ہے۔پی ٹی آئی کے پی کے کی طرح پنجاب میں بھی عملی طور پر تبدیلی لے کر آئے گی۔ہمارا مشن کرپشن ،بے روزگاری اور غربت کیلئے خاتمے کیلئے ہے۔

اس تحریک کی کامیابی کیلئے عوام کو ساتھ دینا ہو گا۔

(جاری ہے)

جب تک چور ڈاکو اس ملک پر قبضہ جمائے رکھیں گے اس وقت تک غریب آدمی کے بنیاد مسائل حل نہیں ہو سکتے۔ان خیالات کا اظہار انہوں نے مینار پاکستان پر میڈیا سے گفتگو کرتے ہوئے کیا۔ڈاکٹر نوشین حامد کا مزید کہنا تھا ن لیگ کی وکٹیں گرانا شروع ہو چکی ہے آئندہ چند روز میں شریف خاندان اور صرف ان کے درباری ہی رہ جائیں گے۔آئندہ الیکشن میں تحریک انصاف نئی حکمت عملی کے ساتھ میدان میں آئے گی اس مرتبہ دھندلی اور آر اوز کے زور پر الیکشن نہیں جیتنے دینگے۔