جیکب آباد، ایس ایچ او تھانہ صدر کی کاروائی،2 ٹرالرز کنٹینر زمیں موجود 180 ڈرم ایرانی ڈیزل برآمد، 2 ملزمان گرفتار

اتوار 29 اپریل 2018 20:20

جیکب آباد(اُردو پوائنٹ اخبارتازہ ترین - این این آئی۔ 29 اپریل2018ء) ایس ایچ او تھانہ صدر کی کاروائی،2 ٹرالرز کنٹینر زمیں موجود 180 ڈرم ایرانی ڈیزل برآمد، 2 ملزمان گرفتارتفصیلات کے مطابق ایس ایس پی جیکب آباد کیپٹن ریٹائرڈ فیصل عبداللہ چاچڑ کی ہدایات برائے سمگلنگ کی روک تھام کو مدِنظر رکھتے ہوئے ایس ایچ او تھانہ صدر انسپکٹر گل محمدمہرنے جیکب آباد بائے پاس پر بلوچستان سے آنے والے 2 ٹرالرز کنٹینر ز کی تلاشی کے دوران ٹرالر نمبر ٹی ایل ایچ 355 اورٹرالر نمبر ایس این اے 055 سے 180 ڈرم ایرانی ڈیزلبرآمد کئے گئے ایرانی ڈیزل کی مالیت 40 لاکھ سے زائدبتائی جارہی ہے صدر تھانہ پولیس نے قانونی کاروائی کے لیے برآمد کیے گئے ایرانی ڈیزل اور 2ٹرالرزکنٹینر کو کسٹم حکام کے حوالے کردیا جبکہ بلوچستان کے رہائشی دوملزمان عبدالرازق ولد عبدالرزاق اور محمد اشرف ولد حاجی عمر کوگرفتارکرلیا ۔