تحصیل کلاچی ، ایف سی اہلکار قتل

پیر 30 اپریل 2018 12:05

ڈیراسماعیل خان۔ (اُردو پوائنٹ اخبارتازہ ترین - اے پی پی۔ 30 اپریل2018ء) نامعلوم ملزمان نے تحصیل کلاچی کے علاقہ مڈی میں ایف سی اہلکار کو گھر میں سوتے ہوئے فائرنگ کر کے قتل کر دیا ،کلاچی پولیس نے مقتول کے سوتیلے بھائی کی رپورٹ پر دو نامعلوم مسلح افراد کیخلاف اس واقعے کا مقدمہ درج کرلیا ہے ۔

(جاری ہے)

تفصیلات کے مطابق تھانہ کلاچی کی حدود میں واقع علاقہ مڈی میں ایف سی اہلکار محمد رمضان ولد اللہ داداپنے گھر چھٹی پر آیا اور گھر میں سو رہا تھا کہ رات گیارہ بجے دو نامعلوم مسلح افراد گھر میں داخل ہوئے اور انہوں نے فائرنگ کر کے اسے قتل کردیا اور موقع سے فرار ہوگئے ۔

کلاچی پولیس نے مقتول کے سوتیلے بھائی غفور ولد ولی خان کی رپورٹ پر اس واقعے کا مقدمہ دو ملزمان کیخلاف 302-449/34ppcکے تحت درج کرلیا ہے ۔