اچانک نئے اسلام آباد ائیرپورٹ کے افتتاح کی نئی تاریخ کا اعلان کردیا گیا

نیواسلام آبادایئرپورٹ کا افتتاح(کل) ہوگا، دوپہر ساڑھے بارہ بجے پہلی پرواز کراچی کیلئے روانہ ہوگی،پروازوں کا مکمل باضابطہ آغاز جمعرات سے ہوگا

پیر 30 اپریل 2018 18:54

اچانک نئے اسلام آباد ائیرپورٹ کے افتتاح کی نئی تاریخ کا اعلان کردیا ..

اسلام آباد(اُردو پوائنٹ اخبارتازہ ترین - این این آئی۔ 30 اپریل2018ء) اسلام آباد کے نئے انٹرنیشنل ایئر پورٹ کا باضابطہ افتتاح (کل) بروز منگل کیا جائے گا۔امکان ہے کہ نئے ایئر پورٹ کا افتتاح وزیراعظم شاہد خاقان عباسی کریں گے۔سِول ایوی ایشن اتھارٹی کے مطابق نئے ایئرپورٹ پر پہلی پرواز کراچی سے ہوگی۔

(جاری ہے)

پی آئی اے کی یہ پرواز صبح گیارہ بجے لینڈ کرے گی جبکہ دوپہر ساڑھے بارہ بجے پہلی پرواز کراچی کیلئے روانہ ہوگی۔پروازوں کا مکمل باضابطہ آغاز جمعرات سے ہوگا۔نیو اسلام آباد ایئرپورٹ ملک کا سب سے بڑا گرین فیلڈ ایئرپورٹ ہے۔ جس پر بین الااقوامی معیار کے مطابق مسافروں کو تمام سہولیات مہیا کی جائیں گی۔