ڈاکٹر عافیہ صدیقی کی رہائی کے بدلے ڈاکٹر شکیل آفریدی کو حوالے کرنے کی پیشکش۔۔۔ پاکستان حکومت نے جواب دے دیا

فہد شبیر منگل 1 مئی 2018 10:18

اسلام آباد(اُردو پوائنٹ اخبار تازہ ترین۔1مئی۔2018ء) پاکستان نے عافیہ صدیقی کی رہائی کے بدلے ڈاکٹر شکیل آفریدی کو رہا کرنے کی امریکی پیشکش ٹھکرا دی ہے۔ روسی میڈیا کے حوالے سے انکشاف میں سامنے آیا ہے۔

(جاری ہے)

پروگرام میں مزید کہا گیا ہے کہ پاکستان نے عافیہ صدیقی کی رہائی کے بدلے ڈاکٹر شکیل آفریدی کی حوالگی کا امریکی مطالبہ مسترد کر دیا ہے۔یاد رہے کہ روسی میڈیا نے انکشاف کیا ہے کہ امریکہ نے ڈاکٹر شکیل آفریدی کو پشاور جیل سے فرار کروانے کیلئے جیل پر حملے کا منصوبہ بنایا تھا جسے آئی ایس آئی نے ناکام بنا دیا ۔آئی ایس آئی نے عظیم اقدام اٹھاتے ہوئے پشاور سنٹرل جیل توڑ کر ڈاکٹر شکیل آفریدی کو فرار کرانے کے منصوبے پر پانی پھیر دیا۔