بالی ووڈ میں باہمی رضا مندی سے جنسی تعلقات قائم ہوتے ہیں، راکھی ساونت

آج کل کی لڑکیاں کیریئر بنانے کے لیے سمجھوتہ کرنے پر تیار ہوجاتی ہیں‘بالی ووڈ اداکارہ

منگل 1 مئی 2018 11:57

لاہور (اُردو پوائنٹ اخبارتازہ ترین - این این آئی۔ 01 مئی2018ء) بالی ووڈ اداکارہ راکھی ساونت نے کاسٹنگ کاؤچ کے حوالے سے کوریوگرافر سروج خان کے بیان کی حمایت کرتے ہوئے کہا ہے کہ ’شوبز انڈسٹری میں کوئی کسی کو جنسی زیادتی کا نشانہ نہیں بناتا، بلکہ باہمی رضامندی سے جنسی تعلقات قائم ہوتے ہیں۔

(جاری ہے)

بالی ووڈ اداکارہ راکھی ساونت نے بالی ووڈ انڈسٹری کے بارے میں نیا انکشاف کرتے ہوئے کہا ہے کہ وہ سروج خان کے اس بیان کی پرزور حمایت کرتی ہیں، راکھی ساونت کے مطابق آج کل کی لڑکیاں کیریئر بنانے کے لیے سمجھوتہ کرنے پر تیار ہوجاتی ہیں اور کام حاصل کرنے کیلئے کچھ بھی کرنے کو راضی ہوجاتے ہیں ۔

اداکارہ نے بتایا کہ جب وہ فلم انڈسٹری میں نئی تھیں، اس وقت انہیں بھی جنسی طور پر ہراساں کرنے کی کوشش کی گئی، تاہم وہ کسی کے ہاتھ نہ آئیں اور انہوں نے اپنی اداکاری کے بل بوتے پر خود کو منوایا، بالی ووڈ میں کوئی کسی کو ریپ کا نشانہ نہیں بناتا، بلکہ یہاں پر ہر کوئی رضامندی اور رضاکارانہ طور پر تعلقات استوار کرتا ہے۔