متحدہ عرب امارات پاکستان سے تجارتی تعاون بڑھانے کا خواہاں ہے،

دونوں ممالک کے مابین بھائی چارے کا دیرینہ رشتہ ہے، یو اے ای کے سفیر حماد عبید ابراہیم سالم کی فیڈریشن آف پا کستا ن چیمبرز آف کامرس اینڈ انڈ سٹر ی کے صدرغضنفر بلورسے گفتگو

منگل مئی 13:55

متحدہ عرب امارات پاکستان سے تجارتی تعاون بڑھانے کا خواہاں ہے،
اسلام آباد ۔ یکم مئی (اُردو پوائنٹ اخبارتازہ ترین۔ 01 مئی2018ء) متحدہ عرب امارات کے سفیر حماد عبید ابراہیم سالم الزابی نے کہا ہے کہ ان کا ملک پاکستان سے تجارتی تعاون بڑھانے کا خواہاں ہے،دونوں ممالک کے مابین بھائی چارے کا دیرینہ رشتہ ہے، پاکستانی مصنوعات معیاری ہیں مگر انھیں یو اے ای کی منڈی میں وہ مقام حاصل نہیں جو ہونا چایئے جسکے لئے مارکیٹنگ کو بہتر بنانے کے ساتھ دونوں ممالک کی کاروباری برادری اور دیگر شراکت داروں کومل کر کوشش کرنا ہو گی۔

یو اے ای کے سفیر حماد عبید ابراہیم سالم نے ان خیالات کا اظہار فیڈریشن آف پا کستا ن چیمبرز آف کامرس اینڈ انڈ سٹر ی کے صدرغضنفر بلورسے گفتگو کرتے ہوئے کیا۔ اس موقع پر ایف پی سی سی آئی کے نائب صدور کریم عزیز ملک و عاطف اکرام شیخ، چئیرمین کو آرڈینیشن ملک سہیل اور آمنہ ملک بھی موجود تھے۔

(جاری ہے)

انھوں نے کہا کہ پاکستان سے تجارتی تعلقات بڑھانا انکا مشن ہے۔

انھوں نے پاکستانی کمپنیوں کو دنئی میں منعقد ہونے والے ایکسپو 2020 ء میں بھرپور شرکت کی دعوت دیتے ہوئے کہا کہ 1083 ایکڑ پر ہونے والے اس ایکسپو میں 170 ممالک کی ہزاروں کمپنیاں شرکت کر رہی ہیں جس دوران دنیا کے سب سے بڑے شمسی توانائی کے منصوبے کی تکمیل بھی ہو جائے گی۔اس موقع پر غضنفر بلور نے کہا کہ پاکستان اور یو اے ای کو مل کر ترقی کی منزل طے کرنے کی ضرورت ہے۔

پاک فوج کی قربانیوں کی وجہ سے دہشت گردی دم توڑ چکی ہے اور امن بحال ہو چکا ہے اس لئے غیر ملکی سرمایہ کار بلا خوف و خطر پاکستان کا رخ کر سکتے ہیں۔ ہم دبئی ایکسپو میں بھرپور شرکت کریں گے اور وہاں کے حکمرانوں سے بھی مل کر کاروبار ی تعلقات مزید مستحکم کرنے کی کوشش کریں گے۔ انھوں نے کہا کہ پاکستان میں توانائی، آئی اینڈ گیس، ٹیلی کام، فنانشل سروسزاور دیگر شعبوں میں سرمایہ کاری کے روشن امکانات موجود ہیں اس لئے یو اے ای کے سرمایہ کار بھی پاکستان کا رخ کریں اور سرمایہ کاری کی سہولتوں سے مستفید ہوں۔