ایران کی طرف سے جوہری ڈیل کی خلاف ورزی کا کوئی ثبوت نہیں،یورپی یونین

اسرائیلی وزیر اعظم ابھی تک اپنے ان الزامات کے حق میں کوئی ثبوت پیش نہیں کر سکے ،ردعمل

منگل 1 مئی 2018 15:50

برسلز(اُردو پوائنٹ اخبارتازہ ترین - این این آئی۔ 01 مئی2018ء) یورپی یونین کی خارجہ امور کی سربراہ فیدیریکا موگیرینی نے کہا ہے کہ اسرائیلی وزیر اعظم ابھی تک اپنے ان الزامات کے حق میں کوئی ثبوت پیش نہیں کر سکے کہ ایران عالمی طاقتوں کے ساتھ اپنے جوہری معاہدے کی خلاف ورزی کا مرتکب ہوا ہے۔

(جاری ہے)

میڈیارپورٹس کے مطابق موگیرینی نے کہا کہ ایران جوہری ہتھیاروں سے متعلق اپنا پروگرام ترک کر چکا ہے اور بین الاقوامی ایٹمی توانائی ایجنسی کی طرف سے معائنوں کی صورت میں خود پر عائد ہونے والی ذمے داریاں بھی پوری کر رہا ہے۔ انہوں نے کہا کہ ایٹمی توانائی کا عالمی ادارہ اپنی ایسی کئی رپورٹیں جاری کر چکا ہے، جن کے مطابق ایران جوہری ڈیل کے تمام حصوں پر پوری طرح عمل درآمد کر رہا ہے۔