لاڑکانہ میں معصو م صائمہ جروار کو زیادتی کے بعد بے دردی سے قتل کرنے پرچیئرمین تحریک نے نوٹس لے لیا

کراچی /لاڑکانہ(اُردو پوائنٹ اخبارتازہ ترین - این این آئی۔ 01 مئی2018ء) لاڑکانہ میں معصوم بچی صائمہ جروار کو ذیادتی کے بعد قتل کرنے والے دردناک واقعے پر ورثا سراپا احتجاج پولیس اور سندھ حکومت انصاف دلانے میں مکمل ناکام ہوگئی، پی ٹی آئی چیئرمین عمران خان نے واقعے کا نوٹس لیتے ہوئے پی ٹی آئی سندھ کے رہنما حلیم عادل شیخ کی سربراہی میں وفد کو لاڑکانہ صائمہ جروار کے گھر جانے کی ہدایات کر دی ، جس پر پی ٹی آئی رہنما حلیم عادل شیخ آج لاڑکانہ میں صائمہ جروار کے گھر پہنچے اور والد نسیم جروار و دیگر سے اظہار تعزیت کی اور انصا ف دلانے کی یقین دھانی کرائی، ا س موقعہ پر صائمہ جروار کے ورثا نے بتایا کہ ڈاکٹروں نے ہماری بچی کے کیس کو خراب کرنے کے لئے رپورٹ غلط کی تھی اور پ پ والوں نے دو لاکھ روپے بھیجے تھے اور کہا گیا تھا کہ آپ احتجاج مت کریں ہم جلد ملزمان بھی گرفتار کریں ت گے، رقم ہم نے واپس کردی ، ہمیں انصاف چاہیے ہماری معصوم بے گناہ بچی سے ذیادتی ہوئی اور قتل کیا گیا ہے ، اس موقع پر پی ٹی آئی رہنما حلیم عادل شیخ نے ورثا سے پی ٹی آئی وائس چیئرمین مخدوم شاہ محمود حسین قریشی سے خصوصی بات کرائی ، جس پر پی ٹی آئی رہنما مخدوم شاہ محمود حسین قریشی نے بھی ورثا سے اظہار تعزیت کرتے ہوئی کہا بہت دردناک واقعہ ہے انصاف دلانے کے لئے ہر ممکن کوششیں کی جائیں گے۔

(جاری ہے)

جس کے بعد پر پی ٹی آئی رہنما حلیم عادل شیخ نے میڈیا سے بات چیت کرتے ہوئے کہا کہ بڑے افسوس کی بات ہے کہ زندہ ہے بھٹو زندہ ہے بھٹو کے نعرے لگانے والوں نے بھٹو کے شہر کی عوام کا حال تک نہیں پوچھا معصوم صائمہ جروار کو زیادتی کے بعد بے دردی سے قتل کر گیا اور کوئی بھی وزیر مشیر ان کی مدد تو دور کی بات تعزیت کرنے تک نہیں آیا ہے ، انہوں نے کہا کہ جس طرح بینظیر بھٹو لاڑکانہ کی بیٹی تھی اسی طرح صائمہ جروار بھی لاڑکانہ کی بیٹی تھے ، پولیس کی سست روی اور سندھ حکومت کی خاموشی پرعوام کبھی نہیں انہیں بھولے گی ۔

انہیں نے مزید کہا انہوں نے کہا سندھ حکومت معصوم بچیوں کو بھی تحفظ دینے میں ناکام گئی ہے ، جس کی وجہ سے سندھ میں ایسے واقعات بڑھ رہے ہیں جس پر تشویش ہے۔ انہوں نے کہا بڑے افسوس کی بات ہے کہ پ پ والوں نے 2لاکھ روپے ورثا کو بھجوا تاکہ خاموش رہیں مگر ورثا بے ضمیر نہیں تھے جنہوں نے پئسے ٹھکرا دیئے ہیں اور انصاف کے لئے اٹھ کھڑے ہوئے ہیں ، انہوں نے کہا نثار کھوڑو، فریال ٹالپر ، سہیل انور سیال لاڑکانے میں دن رات آتے جاتے ہیں لیکن ان غریبوں کا حال تک نہیں پوچھا ، انہوں نے کہا ایسے بے حس حکرانوں کو عوام اب الیکشن میں دوبارہ آنے نہیں دے گی، کسی غریب کی بچی سے زیادتی ہو یا امیر سے ہم انصاف سب کے لئے برابر کا ہونا چاہیے ، انہوں نے کہا ہم صائمہ جروار کے ورثا کے غم میں برابر کے شریک ہیں ہم ہر فورم پر آواز اٹھائیں گے اور ورثا کے انصاف دلانے تک خاموش نہیںبیٹھیں گے۔