ٹیلی نار اور کیو موبائل نے پاکستان کا سب سے کم قیمت فور جی اسمارٹ فون متعارف کرانے کیلئے اشتراک قائم کرلیا
منگل 1 مئی 2018 17:25
(جاری ہے)
اس اشتراک کار کے تحت دونوں ادارے پاکستان میں ایک مستحکم ڈیجیٹل ایکوسسٹم کی تشکیل کے لیے کام کریں گے تاکہ دونوں کے مشترکہ صارفین کو انڈسٹری میں دستیاب بہترین ڈیجیٹل مصنوعات اور خدمات فراہم کی جاسکیں۔
ایل ٹی ۔ 100دیدہ زیب اور کارآمد اسمارٹ فون ہے جو خوبصورت ڈیزائن ، جدید ترین خصوصیات اور 6,150 روپے کی ناقابل یقین قیمت کے ذریعے صارفین کی توقعات پر مکمل طور پر پورا اُترتا ہے۔ اسمارٹ فون کے ساتھ صارفین کوٹیلی نار پاکستان کی جانب سے تین ماہ کے لیے ایک جی بی ڈیٹا اور ایک سو روپے بیلنس فی مہینہ کا شاندار بنڈل بھی فراہم کیا جائے گا۔ ٹیلی نار پاکستان کے چیف مارکیٹنگ آفیسر بلال کاظمی کا کہناتھا: ’’ ہم ملک کے ڈیجیٹل ایکو سسٹم کی ترقی کے لیے، جس میں ٹیلی نار قائدانہ کردار کا حامل ہے ، کیو موبائل کے سا تھ اپنے اشتراک کے اگلے مرحلے میںداخل ہوتے ہوئے نہایت خوشی محسوس کررہے ہیں۔ ابتدا ہی سے ہم پاکستان میں موبائل براڈبینڈ تک رسائی کے فروغ اور عوام کے لیے کفایتی ہارڈ ویئر کی تیار ی کے لیے ملک کے ڈیجیٹل ایکو سسٹم کی تشکیل اور ترقی کی لیے دہری حکمت عملی پر عمل پیرا ہیں۔ ہمیں اُمید ہے کہ اس اشتراک سے ہمیں اپنے مشترکہ ڈیجیٹل شمولیت کے اہداف کے فوری حصو ل میں مدد ملے گی ۔ ‘‘کیو موبائل کے چیئرمین وسی ای او ذیشان اختر کا کہنا تھا: ’’یہ ایک قدرتی اشتراک ہے کیونکہ کیو موبائل اور ٹیلی نار پاکستان دونوں ہی پاکستان معاشرے کو بااختیار بنانے اور صارفین کو اُن تمام وسائل کی فراہمی کے لیے کوشاں ہیں، جن سے وہ تیز رفتار ڈیجیٹل زمانے کی ضروریات سے عہدہ برا ہوسکیں۔ ملک میں ایک مستحکم اسمارٹ فون ایکو سسٹم کی تشکیل کی مشترکہ کوششوں کے ذریعے کیو موبائل اور ٹیلی نار پاکستان ٹیکنالوجی اورانٹرنیٹ سروسز کوعوام کے لیے کفایتی اور قابل ِ رسائی بنائیں گے۔ ‘‘ایل ٹی ۔ 100میں پہلے ہی ’مائی ٹیلی نار ایپ‘ انسٹال کردی گئی ہے جس سے ٹیلی نارپاکستان کے صارفین کو بہترین سیلف سروس کی سہولت کے علاوہ موبائل کے استعمال اور بنڈل کی ضروریات پر مکمل گرفت حاصل ہوگی۔ یہ موبائل فون ملک بھر کی تمام اہم مارکیٹس اور ریٹیل شاپس پر دستیاب ہوگا اور اس کے متعلق ایک وسیع کمیونی کیشن کمپین بھی چلائی جائے گی۔ ایل ٹی ۔ 100کی نمایاں خصوصیات میں تمام بینڈز پر فور جی کی صلاحیت ، ڈیول سم، اینڈرائیڈ 7.0، چار انچ اسکرین، 8جی بی روم ، ایک جی بی ریم،5ایم پی بیک اور 2ایم پی فرنٹ کیمرے شامل ہیں۔مزید تجارتی خبریں
-
چینی کی مصنوعی قلت،فی بوری قیمت میں 100روپے کااضافہ کر دیا گیا
-
ملک میں منگل کو سونے کی فی تولہ قیمت میں 7800 روپے کی کمی ہوئی
-
ایف ڈی آئی میں مارچ کے دوران سالانہ بنیاد پر 52 فیصد اضافہ ہوا ،سٹیٹ بینک
-
پاکستان سٹاک ایکسچینج میں تیزی،71 ہزار751پوائنٹ کی نفسیاتی حد عبور کرگیا
-
برائلر گوشت کی قیمت میں36روپے کلو کمی
-
سکریپ کے گودام میں آگ لگنے سے لاکھوں کا سامان جل گیا
-
کراچی گولڈ بلین ایکس چینج کا سونے کے نرخ جاری کرنے کا اعلان
-
پیاز کی قیمتوں کمی جبکہ چینی قیمتوں اضافہ شروع ہوگیا پیاز کی قیمت 280سے کم ہوکر 140روپے فی کلو ہوگئی
-
لاہور: برائلر گوشت کی قیمت میں کمی
-
پاکستان سٹاک ایکسچینج میں تیزی ،100 انڈیکس نئی بلند ترین سطح پر پہنچ گیا
-
اوپن مارکیٹ میں چینی کی قیمتیں بڑھنا شروع ہوگئیں
-
برائلر گوشت کی قیمت میں 12روپے کلو کمی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.