ڈیوڈ وارنر سمیت بال ٹیمپرنگ میں سزا یافتہ آسٹریلوی کرکٹر ٹیم میں واپس آسکتے ہیں ، جیمز سدر لینڈ

میں ان تینوں کرکٹرز کو بہترین فارم میں دوبارہ سے کرکٹ کے میدان میں کھیلتا ہوا دیکھنا چاہتا ہو،تینوں کرکٹرز کو سلیکٹرز کے سامنے خود کو اہل ثابت کرنا ہوگا،سی ای او آسٹریلیا کرکٹ

منگل مئی 18:35

ڈیوڈ وارنر سمیت بال ٹیمپرنگ میں سزا یافتہ آسٹریلوی کرکٹر ٹیم میں واپس ..
سڈنی(اُردو پوائنٹ اخبارتازہ ترین۔ 01 مئی2018ء) آسٹریلیا کرکٹ کے چیف ایگزیکٹو آفیسرجیمز سدر لینڈ نے کہا ہے کہ ڈیوڈ وارنر سمیت بال ٹیمپرنگ کیس میں سزا یافتہ تینوں کرکٹرز ٹیم میں واپس آسکتے ہیں، میں ان تینوں کرکٹرز کو بہترین فارم میں دوبارہ سے کرکٹ کے میدان میں کھیلتا ہوا دیکھنا چاہتا ہو،تینوں کرکٹرز کو سلیکٹرز کے سامنے خود کو اہل ثابت کرنا ہوگا۔

کرکٹ آسٹریلیا کی ایک رپورٹ کے مطابق ملیبورن ریڈیو اسٹیشن ایس ای این کو دیئے گئے ایک انٹرویو میں جمیز سدر لینڈ نے کہامیں سمجھتا ہوں کہ ہر کسی کو موقع ملنا چاہیے، دوبارہ موقع حاصل کرنا اب کرکٹرز کے ہاتھ میں ہے اور تینوں کرکٹرز کو سلیکٹرز کے سامنے خود کو اہل ثابت کرنا ہوگا۔ 52 سالہ سدر لینڈ نے کہا کہ انہیں تینوں کھلاڑیوں سے ہمدردی ہے۔

(جاری ہے)

انہوں نے کہا میں ان تینوں کرکٹرز کو بہترین فارم میں دوبارہ سے کرکٹ کے میدان میں کھیلتا ہوا دیکھنا چاہتا ہوں اور مجھے یقین ہے کہ وہ یہ کرسکتے ہیں۔ڈیوڈ وارنر کے حوالے سے بات کرتے ہوئے انہوں نے کہا وہ خود کو ایک بہترین کرکٹر ثابت کرنے کے حوالے سے بہت پر عزم تھے اور اس کے ساتھ ساتھ ان میں قیادت کی بھی غیر معمولی صلاحیت تھی۔واضح رہے کہ ڈیوڈ وارنر پابندی کے بعد واپسی پر آسٹریلین کرکٹ ٹیم کی قیادت کی ذمہ داری کبھی حاصل نہیں کرسکیں گے۔

رواں برس 31 مارچ کو ڈیوڈ وارنر نے ایک جذباتی پریس کانفرنس میں اپنی غلطی پر شائقین کرکٹ سے معافی مانگتے ہوئے عندیہ دیا تھا کہ شاید اب وہ آسٹریلیا کے لیے مزید نہ کھیلیں۔یاد رہے کہ آسٹریلین کرکٹ بورڈ نے جنوبی افریقا کے خلاف کیپ ٹان ٹیسٹ میں بال ٹیمپرنگ کرنے پر نائب کپتان ڈیوڈ وارنر پر ایک سال اور اسٹیون اسمتھ اور کیمرون بینکروفٹ پر 9 ماہ کی پابندی عائد کی تھی۔

متعلقہ عنوان :