جرمن فٹبالر نے میچ کے دوران رزق کی عزت کی بہترین مثال قائم کردی

میسوت اووزل نے گرا ئو نڈ میں پڑے ڈبل روٹی کے ٹکڑے کو اٹھا کر چوما اور تعزیماً ماتھے سے بھی لگایا ، ایک طرف رکھ دیا

منگل 1 مئی 2018 18:35

جرمن فٹبالر نے میچ کے دوران رزق کی عزت کی بہترین مثال قائم کردی

لندن(اُردو پوائنٹ اخبارتازہ ترین - آئی این پی۔ 01 مئی2018ء) جرمن اسٹار فٹبالر میسوت اووزل نے میچ کے دوران گرا ئو نڈ میں پڑے ڈبل روٹی کے ٹکڑے کو اٹھا کر چوما اور ایک طرف رکھ دیا، ان کے اس اقدام کو خوب سراہا جارہا ہے۔

(جاری ہے)

یورپا لیگ کے سیمی فائنل میں انگلش کلب آرسینل کی نمائندگی کرنے والے جرمن فٹبالر میسوت اووزل کھیل کے دوران کارنر کک کی تیاری کر رہے تھے تو اس دوران مخالف ٹیم ایٹلیٹیکو کے مداح کی جانب سے ان کی جانب ڈبل روٹی کا ایک ٹکڑا پھینکا گیا۔

جرمن فٹبالر نے ڈبل روٹی کے اس ٹکڑے کو اٹھا کر چوما اور تعزیماً ماتھے سے بھی لگایا جس کے بعد ایک طرف رکھ دیا۔ پہلے تو فینز کی سمجھ میں کچھ نہیں آیا لیکن بعد میں پتہ چلا کہ انہوں نے مذہب اسلام کے مطابق عمل کیا جو کھانا ضائع کرنے سے منع کرتا ہے۔فٹبالر کا یہ عمل بہت پسندیدگی کی نظر سے دیکھا گیا جس پر نہ صرف تماشائیوں نے سراہا بلکہ عالمی میڈیا میں بھی ان کا یہ اقدام خبروں کی زینت بن گیا۔