آئندہ چوبیس گھنٹوں کے دوران اسلام آباد، بالائی پنجاب ، بالائی خیبرپختونخوا میں چند مقامات پر تیز ہوائوں /آندھی اور گرج چمک کے ساتھ بارش کا امکان ہے، محکمہ موسمیات

بدھ 2 مئی 2018 10:10

اسلام آباد ۔ (اُردو پوائنٹ اخبارتازہ ترین - اے پی پی۔ 02 مئی2018ء) محکمہ موسمیات کے مطابق آئندہ چوبیس گھنٹوں کے دوران بالائی پنجاب کے راولپنڈی، گوجرانوالہ، لاہور، سرگودھا، فیصل آباد ڈویژن ، بالائی خیبرپختونخوا میںمالاکنڈ، ہزارہ، پشاور، مردان، کوہاٹ ڈویژن،فاٹا، اسلام آباد، گلگت بلتستان اور کشمیر میں چند مقامات پر تیز ہوائوں /آندھی اور گرج چمک کے ساتھ بارش کا امکان ہے جبکہ ملک کے دیگر علاقوں میں موسم گرم اور خشک رہے گا۔

(جاری ہے)

رپورٹ کے مطابق اس دوران جنوبی پنجاب اور سندھ میں موسم شدید گرم اور خشک رہنے کی توقع ہے۔ گزشتہ 24 گھنٹوں کے دوران بھی ملک کے بیشتر علاقوں میں موسم گرم اور خشک رہا ہے۔