سعودی عرب، مسجد نبوی میں اعتکاف کیلئے درخواستیں طلب

اعتکاف کے خواہشمند افراد پہلی فرصت میں درخواست دیں، انتظامیہ مسجد نبوی

بدھ 2 مئی 2018 14:55

مدینہ منورہ(اُردو پوائنٹ اخبارتازہ ترین - آن لائن۔ 02 مئی2018ء) مسجد نبوی میں اعتکاف کیلئے زائرین سے درخواستیں طلب کرلی گئیں۔ عرب میڈیا کے مطابق مسجد نبوی کی انتظامیہ کے عہدیدار عبدالواحد الحطاب نے کہا ہے کہ رمضان المبارک میں زائرین کیلئے اعتکاف کے انتظامات اور تیاریاں مکمل کرلی گئی ہیں۔

(جاری ہے)

انہوں نے زائرین سے اپیل کی کہ مسجد نبوی میں اعتکاف کے خواہشمند افراد پہلی فرصت میں درخواست دیں۔

انہوں نے کہا کہ درخواستیں وصول کرنے کا عمل 15شعبان سے شروع ہوگیا ہے جو یکم رمضان تک جاری رہے گا۔ انہوں نے کہاکہ اس دوران مسجد نبوی میں اعتکاف کرنے والوں کیلئے اّگہی مہم چلائی جائیگی، انہیں ایک فلم بھی دکھائی جائے گی جس میں اعتکاف کے آداب اور ہدایات پیش کی جائیں گی، یہ کام مختلف زبانوں میں انجام دیا جائے گا