پی سی بی الیو ن نے ڈیپارٹمنٹل ٹی 20 کرکٹ چیمپیئن شپ کے دوسرے روز ہاہر ایجوکیشن کمیشن 14 رنز سے ہرا دیا

بدھ 2 مئی 2018 16:10

اسلام آباد ۔ (اُردو پوائنٹ اخبارتازہ ترین - اے پی پی۔ 02 مئی2018ء) پاکستان کرکٹ بورڈ کے زیراہتمام ڈیپارٹمنٹل ٹی 20 کرکٹ چیمپیئن شپ کے دوسرے روز پی سی بی الیون نے ہاہر ایجوکیشن کمیشن کو بھی 14 رنز سے ہرا دیا،پی سی بی الیون نے ٹاس جیت کر پہلے بیٹنگ کرتیہوئے مقررہ 20 ا ور 6 وکٹوں کے نقصان پر 119 رنزبنائے، ثنائ عروج نے سات چوکوں کی مدد 47 رنز، فریحہ محمود نے ایک چھکے اور دو چوکوں کی مدد سے 26 رنز بنائے، مہک امین نے 16 رنز اور اقصی عابد نے 20 رنز دے کر تین، تین کھلاڑیوں کو آئوٹ کیا۔

(جاری ہے)

جواب میں ہائر ایجوکیشن کمیشن کی ٹیم مطلوبہ ہدف پورا نہ کرسکی بلکہ پوری ٹیم 4۔19 اوورز میں 105 رنز بنا کر آؤٹ ہوگئی، نجمہ بی بی نے دو چوکوں کی مدد سے 37 رنز، مریم ظہیر نے چار چوکوں کی مدد سے 19 رنز، فضیلہ اخلاق نے ایک چھکے اور دو چوکوں کی مدد سے 17 رنز بنائے، صبائ نذیر نے 18 رنز دے تین جبکہ ثناء عروج نے 12 رنز اور سہیل نے 21 رنز دے کر دو، دو وکٹیں حاصل کیں، پی سی بی الیون کی ثناء عروج کومین آف دی میچ قرار دیا گیا۔