بھارتی فوجیوںنے جولائی 2016سے اب تک 197کشمیریوں کو شہید کیا
صحافتی تنظیم کی طرف ذرائع ابلاغ پر پابندیاں عائد کرنے پربھارت پرکڑی تنقید
بدھ 2 مئی 2018 21:28
(جاری ہے)
ادھر جموںوکشمیر مسلم خواتین مرکز کی سربراہ یاسیمین راجہ کی قیادت میں ضلع پلوامہ کے علاقے دربگام میں احتجاجی مظاہرہ کیاگیا جہاں پیر کو بھارتی فوجیوںنے تین نوجوانوں کو شہید کردیاتھا۔
مظاہرین جنہوںنے پاکستانی جھنڈے اٹھا رکھے تھے آزادی اور پاکستان کے حق میں اور بھارت کے خلاف نعرے بلند کئے۔ جموںوکشمیر لبریشن فرنٹ ، جموںوکشمیر ڈیموکریٹک فریڈم پارٹی اور جماعت اسلامی مقبوضہ کشمیر کے وفود شہداء کے اہلخانہ سے اظہار ہمدردی کیلئے ضلع پلوامہ کے علاقے دربگام ، راج پورہ اور آری ہل گئے ۔ہائی کورٹ بار ایسوسی ایشن نے سرینگر میں جاری ایک بیان میں حال ہی میں کٹھ پتلی ڈپٹی وزیر اعلیٰ کامنصب سنبھالنے والے کویندر گپتا کے حالیہ بیان کی شدید مذمت کی ہے جس میں انہوںنے کٹھوعہ کی آٹھ سالہ بچی کے اغوا، بے حرمتی اورقتل کے واقعہ کو ایک معمولی واقعہ قراردیتے ہوئے کہاتھااس پر اتنا شور شرابا نہیں ہونا چاہیے تھا۔ ضلع کٹھوعہ کے علاقے Billawarمیں ہند و دہشت گردوں نے لیاقت علی نامی ایک گیارھویں جماعت کے طالب علم کو چھریاں مار کر قتل کر دیا۔ سوشل میڈیا پر وائرل ہونیوالی ایک ویڈیو میں قاتلوں کو لیاقت کو اینٹوں اور لاٹھیوں سے لیاقت کو بے رحمی سے پیٹتے اور آخر میں چھریاں مارتے ہوئے دکھایا گیا ہے۔اسلامی تعاون تنظیم کے جموںوکشمیر پر رابطہ گروپ نے جدہ میں ایک ہنگامی اجلاس کے دوران بھارتی فوجیوں کی طرف سے مقبوضہ کشمیر میں شہریوں کے حالیہ قتل کی شدید مذمت کی۔ جموں وکشمیر کے بارے اسلامی تعاون تنظیم کے خصوصی نمائندے عبداللہ العالم کی صدارت میں ہونے والے اجلاس میں پاکستان ،آذربائیجان، ترکی، سعودی عرب اور نائیجر کے وفد نے بھی شرکت کی۔خصوصی نمائندے نے او آئی سی کے سیکرٹری جنرل کی طرف سے کشمیریوں کے حالیہ قتل کی مذمت کرتے ہوئے کشمیریوں کے ناقابل تنسیخ حق، حق خود ارادیت کی حمایت کے تنظیم کے اصولی موقف کا اعادہ کیا۔ ادھر نئی دلی میں قائم صحافتی تنظیم ’’ دی ہوٹ‘‘ نے اپنی حالیہ رپورٹ میں کہا کہ رواں برس کی پہلی سہ ماہی کے دوران بھارت میں ذرائع ابلاغ کی آزادی کی صورتحال مسلسل دگر گوں رہی ۔ رپورٹ میں کہا گیاکہ اس عرصے کے دوران جموںوکشمیر میں انٹر نیٹ سروس سات مرتبہ معطل کی گئی۔ رپورٹ میں کہا گیا کہسرینگر میں انٹرنیٹ معطلی کا سب سے بدترین واقعہ اس وقت پیش آیا جب یہ افواہیں گردش کرنے لگیں کی پاکستانی کرکٹر شاہد آفریدی جامع مسجد میں ایک اجتماع سے ویڈیو لنک کے ذریعے خطاب کریں گے۔مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.