رنویر سنگھ نے شہرہ آفاق مزاحیہ اداکار چارلی چیپلن کی اداکاری کرکے مداحوں کے دل موہ لیے

بدھ مئی 23:03

رنویر سنگھ نے شہرہ آفاق مزاحیہ اداکار چارلی چیپلن کی اداکاری کرکے مداحوں ..
سوئٹزرلینڈ (اُردو پوائنٹ اخبارتازہ ترین۔ 02 مئی2018ء) بالی وڈ کے نوجوان اداکار رنویر سنگھ نے شہرہ آفاق مزاحیہ اداکار چارلی چیپلن کی اداکاری کرکے مداحوں کے دل موہ لیے۔رنویر سنگھ ان دنوں سوئٹزرلینڈ کی سیر و سیاحت کے لیے نکلے ہیں اور وہ گاہے بگاہے اپنی مصروفیات سے مداحوں کو سوشل میڈیا کے ذریعے آگاہ کررہے ہیں نوجوان اداکار سوئٹزرلینڈ کی سیر و سیاحت کے خیر سگالی سفیر بھی ہیں اور یہی وجہ ہیکہ ان کی مقبولیت کے باعث یورپی ملک کی حکومت نے سیاحوں کے لیے’رنویر آن ٹور‘ کے نام سے ٹرین بھی چلادی ہے۔

رنویر سنگھ اداکاری کے علاوہ اپنے شرارتوں اور موج مستی کرنے کے انداز کی وجہ سے بھی پہچانے جاتے ہیں اور یہی کچھ انہوں نے سوئٹزرلینڈ میں بھی کیا ہے۔۔فلم ’پدماوت‘ میں علاؤ الدین خلجی کا کردار کرنے والے رنویر سنگھ نے سوئٹزرلینڈ میں دنیا کے معروف مزاحیہ کردار چارلی چیپلن کی مناسبت سے قائم میوزیم میں پہنچے جہاں چارلی کی زندگی سے جڑی کئی چیزیں رکھی ہوئی ہیں۔

(جاری ہے)

رنویر نے چیپلن ورلڈ میوزیم میں چارلی چیپلن کی طرح اداکاری کرتے ہوئے ایک ویڈیو پوسٹ کی ہے جس میں وہ بالکل چارلی چیپلن سے مشابہہ نظر آرہے ہیں۔نوجوان اداکار کا دلچسپ انداز سوشل میڈیا پر بھی تیزی سے وائرل ہورہا ہے اور چارلی چیپلن کی طرح شرارتیں کرتے رنویر کی اداکاری کو بے حد پسند کیا جارہا ہے۔ رنویر کی اداکاری اور روپ کی وجہ سے کئی مداحوں نے انہیں بالکل چارلی چیپلن سے مشابہہ قرار دیا ہے۔۔