یوسف احد ملک کا نام ای سی ایل میں شامل کرنے کیخلاف دائر درخواست پر فریقین حتمی بحث کے لیے طلب

بدھ 2 مئی 2018 23:21

لاہور۔2 مئی(اُردو پوائنٹ اخبارتازہ ترین - اے پی پی۔ 02 مئی2018ء) لاہور ہائیکورٹ نے مسلم لیگ (ق) کے رہنما اور سابق ٹائون ناظم یوسف احد ملک کا نام ای سی ایل سے شامل کرنے کیخلاف دائر درخواست پر فریقین کو حتمی بحث کے لیے طلب کر لیا۔ لاہور ہائیکورٹ کے جسٹس عابد عزیز شیخ نے یوسف احد کی درخواست پر سماعت کی جس میں درخواست گزار نے اپنا نام ای سی ایل سے خارج نہ کرنے کے اقدام کو چیلنج کیاہے۔

(جاری ہے)

درخواست گزار کے وکیل آفتاب باجوہ نے بتایا کہ یوسف احد کا نام کثیر المنزلہ عمارت کی تعمیر کے معاملے پر ایگزٹ کنٹرول لسٹ میں شامل کیا گیا۔ وکیل نے بتایا کہ یہ معاملہ ختم ہوگیا ہے لیکن اس کے باوجود یوسف احد کا نام ای سی ایل سے خارج نہیں کیا گیا۔ وکیل نے بتایا کہ درخواست گزار نے بیرون ملک جانا ہے اس لیے ان کا ایگزٹ کنٹرول لسٹ سے خارج کیا جائے۔عدالت نے کیس کی مزید سماعت 5 جون تک ملتوی کردی۔