․یونیسکو اور اقوام متحدہ کے ترقیاتی پروگرام کے تعاون سے پاکستان پریس فائونڈیشن انتخابی معاونت کیلئے منصوبے پر عملدرآمد کرے گی

بدھ 2 مئی 2018 23:43

اسلام آباد ۔ (اُردو پوائنٹ اخبارتازہ ترین - اے پی پی۔ 02 مئی2018ء) یونیسکو اور اقوام متحدہ کے ترقیاتی پروگرام کے تعاون سے پاکستان پریس فائونڈیشن انتخابی معاونت کیلئے منصوبے پر عملدرآمد کرے گی، اس منصوبے کے تحت کراچی، لاہور، اسلام آباد، لاہور، ملتان، پشاور سے تعلق رکھنے والے حالیہ فارغ التحصیل صحافت کے طالبعلموں کو آئندہ عام انتخابات 2018ء کے دوران انتخابی عمل سے آگاہی دی جائے گی، یہ پروگرام 3 ماہ پر مشتمل ہوگا، اس دوران ان طالبعلموں کو 5 ہزار روپے وظیفہ بھی دیا جائے گا جبکہ ایک روزہ ورکشاپ کا انعقاد کرایا جائے گا، جن میں ان طالبعلموں کیلئے نگراں مقرر کیا جائے گا جو تین ماہ تک ان کی رہنمائی کرے گا۔

(جاری ہے)

صحافتی اداروں میں کام کرنے والوں کو ترجیح دی جائے گی۔