کرن جوہر آہان پانڈے کو بالی وڈ فلم انڈسٹری میں متعارف نہیں کروا رہے، چنکی پانڈے

جمعرات 3 مئی 2018 10:10

ممبئی ۔ (اُردو پوائنٹ اخبارتازہ ترین - اے پی پی۔ 03 مئی2018ء) بالی وڈاداکار چنکی پانڈے نے کہا ہے کہ کرن جوہر اپنی پروڈکشن کمپنی کے ذریعے بھتیجے آہان پانڈے کو بالی وڈ فلم انڈسٹری میں متعارف نہیں کروا رہے بلکہ آہان پانڈے یش راج فلمز کے بینر تلے بننے والی فلم سے نظر آئیں گے۔

(جاری ہے)

بھارتی ذرائع ابلاغ کے مطابق چنکی پانڈے نے کہا ہے کہ وہ اپنے بھتیجے کو اپنے بیٹوں کی طرح سمجھتے ہیں اور آہان ایک محنتی لڑکا ہے جو انسٹاگرام اور ٹویٹر پر پہلے سے بہت مشہور ہے۔ انہوں نے کہا کہ آہان کو فلم انڈسٹری میں کرن جوہر نہیں بلکہ یش راج فلمز متعارف کرائیں گے۔