سعودی عرب، طالبات جھولے سے گرنے پر تفریحی مقام کو بند کر دیا گیا

جمعرات 3 مئی 2018 10:40

ریاض۔ (اُردو پوائنٹ اخبارتازہ ترین - اے پی پی۔ 03 مئی2018ء) سعودی عرب میں واقع تفریحی مرکز میں جھولتے وقت کئی طالبات کے گرجانے پر تفریحی مرکز کو بند کردیا گیا۔

(جاری ہے)

سعودی ذرائع ابلاغ کے مطابق دارالحکومت ریاض میں ایگزٹ 10پر واقع تفریحی گاہ میں ٹوئر پر آئی طالبات جھولا جھلتے ہوئے گر گئیں جس پر حکام نے فوری کارروائی گرتے ہوئے تفریحی مرکز کو بند کردیا گیا۔ شہری دفاع کے ترجمان محمد الحمادی کے مطابق تفریحی گاہ کی بندش کا فیصلہ تفریح کیلئے آنے والوں کی سلامتی اور واقعہ کی تحقیقات کی خاطر کیاگیا ہے۔ انھوں نے کہا کہ تفریحی مرکز میں جھولوں کے حوالے سے مقرر قواعد و ضوابط کی پابندی کا شروع سے آخر تک جائرہ لیا جائے گا۔