ملکی مسائل کے حل پر مبنی فلموں کے سکرپٹس میں دلچسپی رکھتا ہوں، اکشے کمار

جمعرات 3 مئی 2018 11:47

ممبئی ۔ (اُردو پوائنٹ اخبارتازہ ترین - اے پی پی۔ 03 مئی2018ء) بالی وڈ اداکار اکشے کمار نے کہا ہے کہ وہ ملکی مسائل کے حل پر مبنی فلموں کے سکرپٹس میں دلچسپی رکھتے ہیں۔ بھارتی ذرائع ابلاغ کے مطابق اداکار اکشے کمار کی سماجی مسائل پر مبنی فلموں میں تفریحی انداز میں ایک پیغام دیا جاتا ہے۔

(جاری ہے)

اس سلسلے میں ان کا کہنا ہے کہ انہیں ملکی مسائل پر مبنی متعدد فلموں کی پیشکش کی گئی لیکن انہیں ایسے سکرپٹس بلکل بھی نہیں پسند جن میں صرف مسائل پر بات کی گئی ہو بلکہ وہ مسائل کے حل پر مبنی فلموں کے سکرپٹس میں دلچسپی رکھتے ہیں جبکہ میڈیا کو ملک کی بہتری میں اپنا کردار ادا کرنے کی ضرورت ہے۔

انہوں نے کہا کہ ان کی خواہش ہے کہ کوئی ایسا ٹی وی چینل آئے جن میں ہر شعبے میںمستقل مسائل کے حل پر بات کی جائے۔