کشمیری بھارتی تسلط سے آزادی اور الحاق پاکستان کیلئے 70سالوں سے جنگ لڑرہے ہیں‘ وزیر جیل خانہ جات

جمعرات 3 مئی 2018 17:36

مظفرآباد(اُردو پوائنٹ اخبارتازہ ترین - آئی این پی۔ 03 مئی2018ء) آزادکشمیرحکومت کے وزیر جیل خانہ جات محمد اسحٰق چوہدری نے کہا ہے کہ کشمیریوں کی پاکستان کے سبز ہلالی پرچم سے محبت کو کوئی کم نہیں کرسکتا ۔کشمیری درحقیقت مقبوضہ کشمیرکے بھارتی تسلط سے آزادی اور بعدازاں الحاق پاکستان کے ذریعے تکمل پاکستان کیلئے گزشتہ 70سالوں سے جنگ لڑرہے ہیں ۔

(جاری ہے)

اخباری نمائندوں سے بات چیت کے دوران چوہدری محمد اسحٰق نے مزید کہا کہ بھارتی افواج مقبوضہ کشمیرمیں کشمیریوں کے خلاف کیمیائی ہتھیاروں کا بھی استعمال کررہی ہے جو کہ عالمی برادری کیلئے ایک لمحہ فکریہ ہے کیمیائی ہتھیاروں کے استعمال کے ثبوت موجود ہیں ۔مقبوضہ کشمیرمیں بھارتی مظالم کو عالمی سطح پر اجاگر کرنے کیلئے ہمیں اپنی کاوشوں کو مزید تیز تر کرنا ہوگا ۔انہوں نے کہا کہ گولیوں کی بوچھاڑ سے کشمیریوں کے جذبہ آزادی کو دبایا نہیں جاسکتا۔