سی پیک پر عملدرآمد پاکستان اور آزادکشمیرمیں معاشی انقلاب لائے گا ‘ ناصر حسین ڈار

جمعرات 3 مئی 2018 17:39

مظفرآباد(اُردو پوائنٹ اخبارتازہ ترین - آئی این پی۔ 03 مئی2018ء) آزادکشمیرکے وزیربحالیات و ٹرانسپورٹ ناصر حسین ڈار نے کہا ہے کہ سی پیک پر عملدرآمد پاکستان اور آزادکشمیرمیں معاشی انقلاب لائے گا ۔آزادکشمیراور پاکستان کی معیشت کی ترقی بھارتی حکمرانوں کو ایک آنکھ نہیں بھاتی اور یہی وجہ ہے کہ بھارت پاکستان میں عدم استحکام پیدا کرنے اور بدامنی پھیلانے کیلئے اوچھے ہتھکنڈوں پر اتر آیا ہے اور دہشتگردی کی مذموم کارروائیاں کررہا ہے ۔

(جاری ہے)

مسلم لیگ (ن) آزادکشمیرکے کارکنوں سے ملاقات کے دوران انہوںنے کہا ہے کہ ہماری حکومت کی بہتر پالیسوں کے نتیجہ میں آزادکشمیرکی معیشت اڑان بھر رہی ہے ۔ناصر حسین ڈارنے مزید کہا ہے کہ وزیراعظم آزادکشمیرراجہ محمد فاروق حیدر خان کی ولولہ انگیر قیادت میںجہاں آزادکشمیرکی مثالی تعمیر و ترقی کے لیے اقدمات کیے جارہے ہیں وہاں مسئلہ کشمیرکو عالمی سطح پر اجاگر کرنے اور اس کے حل کیلئے بھی عملی کاوشیں کی جارہی ہیں ۔انہوںنے اس توقع کو اظہار بھی کیا کہ بھارت کو جلد یا بدیر سے مقبوضہ کشمیرسے نکلنا ہوگا ۔