آصف علی زرداری کسی اور کے ایجنڈے اور کسی اور کے گھوڑے پر بیٹھ کر پنجاب آئے ہیں، رانا محمد افضل

جمعرات 3 مئی 2018 17:51

اسلام آباد ۔ (اُردو پوائنٹ اخبارتازہ ترین - اے پی پی۔ 03 مئی2018ء) وزیر مملکت برائے خزانہ رانا محمد افضل نے کہا ہے کہ لگتا ہے کہ آصف علی زرداری کسی اور کے ایجنڈے اور کسی اور کے گھوڑے پر بیٹھ کر پنجاب آئے ہیں۔

(جاری ہے)

جمعرات کو پارلیمنٹ ہائوس کے باہر میڈیا سے بات چیت کرتے ہوئے انہوں نے کہا کہ پنجاب میں پیپلزپارٹی کی پہلے ہی ساکھ متاثر ہے، چاہیے تو یہ تھا کہ وہ اس طرف توجہ دیتے۔ انہوں نے کہا کہ سیاست میں رواداری ہونی چاہیے۔انہوں نے کہا کہ پاکستان مسلم لیگ (ن) نے فاٹا اصلاحات کا وعدہ کیا تھا اور وزیراعظم شاہد خاقان عباسی نے اس پر عملدرآمد کا اعلان کر دیا ہے جو ایک حکومت کا فاٹا کے لئے تحفہ ہے۔